Салгынтан кэтээн көрүү саҥа 9 баһаар баарын биллэрбит.
От ыйын 19 күнүн сарсыардатыгар эрэгийиэҥҥэ 75 ойуур баһаара баарыттан 12-тин тохтоппуттар. Бу туһунан өрөспүүбүлүкэ суһал ыстааба биллэрэр.
Баһаары бохсууга 761 киһи, 17 тиэхиньикэ, авиация үлэлиир.
Оптуорунньукка, от ыйын 18 күнүгэр, Орто Халымаҕа, Саха сиригэр баар саамай улахан ойуур баһаарыгар, хас даҕаны көрдүгэни умуруордулар.
Бэс ыйын бүтүүтэ турбут баһаар Орто Халыматтан 70 км сиргэ Халыма эбэ уҥа өттүгэр умайар. Уот булчуттар үүтээннэригэр чугаһаабыт, биир уокка былдьаммыт.
Санатар буоллахха, өрөспүүбүлүкэҕэ муниципальнай суолталаах ЧС биллэриллибитэ.
СИА.