Олунньу 13 күнүгэр Мэҥэ Хаҥалас улууһугар “Халыма” федеральнай суол 47-с км, Toyota Hiace уонна Nissan Qashqai массыыналар саахалламмыттар. Үс киһи өлбүтүн туһунан иһитиннэрэллэр.
Барыллааһын дааннайынан алта киһилээх (суоппар уонна биэс пассажир) микроавтобус Таатта улууһуттан Дьокуускайга айаннаан испит. Оттон кыра массыына – утары. Эмсэҕэлээбит дьон ортотугар 15 саастаах оскуола үөрэнээччитэ баар. Саахал буолбут сиригэр силиэстийэлиир бөлөх үлэлиир. Бу туһунан ИДьМ пресс-сулууспата иһитиннэрэр.