Үрдүк сололоох күлүгээн

05.10.2011 13:49 | Автор: Кыым.ру | Көрдүлэр: 3795   
Печать

draka-1Отой соторутааҕыта Бэрэсидьиэн анал Ыйааҕынан муниципальнай тэрээһиннэргэ бэрэсидьиэн бэрэстэбиитэллэрин института диэн баар буолта. Моно-куораты сайыннарыы боппуруоһугар олохтоох бэйэни салайыы уонна СӨ Судаарыстыбаннай былааһын ситэриилээх уорганнара бииргэ үлэлииллэрин хааччыйарга суоттанан, Булуҥ улууһугар бэрэстэбиитэлинэн Анатолий Степанович Антонов анаммыта.

 

Онтубут «Сахалайф» суруйарынан, Тиксиигэ баран улахан атыыр айдааны таһаарбыт. Бөөлүүн түүн оройун саҕана бэйэтин наадатыгар (?) ыалга барбыт. Ыал аанын буккуйан, атын ыалга кэлэн ааннарын илдьи тэбиэлээбит. Дьиэҕэ баар кыччыгый оҕолордоох дьахтар, улаханнык куттанан, үлэлии сылдьар кэргэнин төлөпүөннээн ыҥыртаран ылбыт. Онтубут – Антоновка өлүү болдьохтоох – полиция үлэһитэ буолан биэрбит. Эр дьон уолуктаһан турбуттар, ыһыы-хаһыы, маат-куут… Дьиэлээх хаһаайын полицейскэй формата хайа барыар диэри… Ыга кыыһырбыт полицейскай Антонову, бэрэсидьиэн бэрэстэбиитэлин, харытыттан хандалылаан учаастакка тиэрпит. Медэспэртиисэ көрдөрбүтүнэн, үрдүк сололооҕунан бэрдимсийэн тилэҕинэн түөһүн тэбиэлэммит Антонов отой да итирик эбит. Билигин Тиксии полицейскайдара ыарахан балаһыанньаҕа түбэспиттэр: биир өттүттэн үрдүк сололоох, атын өттүттэн итирик күлүгээн… Дьэ, кыһалҕа диэтэҕиҥ.