Хой
Уһун уонна сылаалаах нэдиэлэ буолсу. Бэйэҥ иннигэр аһара улахан сыалы-сору туруорар буолаҥҥын, ситиһииҥ сэмэй. Оптуорунньукка уонна сэрэдэҕэ кэлии-барыы үксүөҕэ. Оттон бээтинсэҕэ хас биирдии кэпсэтиигэ уонна сурукка болҕомтолоох буол. Наһаа наадалаах дьыаланы куоттаран кэбиһиэххин сөп. Төһө кыалларынан үлэлээ, дьыалаҕын быһаар. Саамай сүрүн болҕомтону бэйэҕэр уонна чугас дьоҥҥор анаа.
Оҕус
Кыһалҕаны тобулар туһуттан толкуйдууруҥ элбээбит. Чэппиэр көрсүһүүлэри былаанныахха сөп. Үп-харчы боппуруоһун быһаарар кэм кэлбит. Саҥа кыбартыыра атыылаһар, кирэдьииккэ киирэр туһунан санаама. Үп боппуруоһа ыарахан. Эбии үлэ көстүөх курдук. Өрөбүллэри кэргэҥҥин кытта атаарарыҥ табыгастаах буолуо. Оттон сулумахтары интэриэһинэй билсии-көрсүү күүтэр. Маны таһынан, уруккуттан сөбүлүүр киһигит болҕомто ууран үөрдүөн сөп. Доруобуйаҥ этэҥҥэ эрээри, чаастатык төбөҥ ыалдьар буолбут. Сэрэхтээх.
Игирэлэр
Чөл олоҕунан дьарыктанарга күүскэ санаммыккын. Саамай эппиэтинэстээх күн сэрэдэ. Бу күнү этэҥҥэ аастаххына, үлэҥ таһаарыылаах буолуоҕа. Эн олус кыһамньылааххын, үлэҕэ бэриниилээххин салалта үрдүктүк сыаналыаҕа. Хамнаһыҥ кэллэҕинэ, саҥа таҥаста атыылас. Тус олоххор барыта этэҥҥэ.. Тапталлааҕыҥ эйигин наһаа күүскэ таптыырын, эйигинэн киэн туттарын өйдүөҕүҥ.
Араак
Атын дьон кыһалҕатыгар орооһума. Кэлиҥҥи кэмҥэ эн сүбэҕэр-амаҕар наадыйар киһи элбээбит. Үлэ чааһыгар бэйэҕин көрдөрөргөр кыах көстүө, онон түгэни мүччү тутумуоххун наада. Нэдиэлэ бүтэһик күннэригэр киинэҕэ, ьыйаатырга эбэтэр көннөрү кэпсэтиигэ ыҥырыахтара. Тус олоххор суолталаах күн буолуоҕа. Оттон дьиэ кэргэннээх Араактар оҕолоргутугар уонна кэргэҥҥитигэр сылаас сыһыаҥҥытын бэлэхтиэххит. Дьиэ салгына ыраас.
Хахай
Үп-харчы ыктарыыта буолбут. Сатаан харчыны туттубаккыттан, кыһалҕа үөскүүр. Кирэдьииккэ киирэ сатыыр эбиккин. Эн хайдах дьону кытта алтыһаргыттан, настарыанньаҥ олус тутулуктаах. Онон өрүү кыһалҕалаах, ньиэрбинэй, куһаҕаны эрэ кэпсиир дьону кытта алтыһыма. Өрөбүллэр олус сэргэхтик ааһыахтара. Аны туран, таптал чааһыгар көссүүлэһии туһунан толкуйдуур буолбуккут. Ол туох да үчүгэйгэ тиэрдиэ суоҕа. Чугас киһигин атаҕастаама. Бэйэҥ бодоҕун тупсарар туһуттан солуоҥҥа сырыт, успуордунан дьарыктан. Туора дьону итэҕэйимэ, наһаа аһаҕастык дьиэ иһинээҕи кыһалҕаны ыһыма-тоҕума.
Кыыс
Бэйэҕиҥ кириитикэлэнэн тахсаҕын. Наһаа элбэхтик сынньанар уонна кыратык үлэлиир курдук сананаҕын. Дьиҥэр, аһара сылайыахха диэри үлэҕэ охтор эмиэ сатаммат курдук. Өссө эйиэхэ болҕомто уурбат, наадыйбат эр киһиэхэ отой наадыйыма. Чугас дьоҥҥун кытта сыһыан тупсубут, өрөбүллэргэ аймахтаргын кытта истиҥ көрсүһүүлэр буолуохтара. Наһаа санааҕа-онооҕо ылларыма, бэйэҕин таптаа, доруобуйаҕын көрүн.
Ыйааһын
Наһаа күүскэ таптаабыккын. Эйигин эмиэ истиҥник, ыраастык таптыыллар. Бу нэдиэлэ устата ханна да айаннаама, суол-иис саахала тахсыан сөп. Бээтинсэҕэ өрөбүллэргэ кытары үлэлиир чиэскэ тиксбиккин, билиэҕиҥ. Бу үлэ таһаарыылаах буоллаҕына, хармааныҥ халыҥыыһы. Бииргэ үлэлиир кэллиэгэлэргин кытта сыһыан үчүгэй, эйигин үрдүк билиилээх исписэлиис быһыытынан сүрдээҕин сыаналыыллар.
Скорпион
Бу нэдиэлэҕэ аймахтарыҥ күүлэйдии кэлиэхтэрэ. Кинилэргэ болҕомто ууруохха наада. Харчыгын наһаа бараама, кэлин наада буолуо. Бэйэҥ ис туруккун үчүгэйдик үөрэт, кинигэтэ аах, сөптөөх соруктары туруорун. Эн үчүгэй доҕор буоларгын, бу нэдиэлэ өссө төгүл дакаастыа. Эппит тылгар тураргын, амарах санаалааххын доҕотторуҥ олус сыаналыыллар. Дьиэ кэргэҥҥэр сылаас, истиҥ сыһыан күөдьүйбүт. Үлэҕэр ыарахаттар бааллар эрээри, боччумнаахтык толкуйданнаххына, барыта этэҥҥэ буолуо.
Охчут
Биир сиргэ тэһийэн-тулуйан олорбоккун. Дьүөгэҕин кытта ыраах айаҥҥа турар былаан баар. Үлэҕэр чэппиэргэ улаханнык хомотуохтара. Ити кэрээнэ суох быһыыттан сүрдээҕин санааҕа ылларыаҥ. Бу түгэҥҥэ күүстээх санаалаах буол. Ыарахан түгэҥҥэ эйигин доҕотторуҥ, дьүөгэлэриҥ өйүөхтэрэ. Үп-харчы чааһа этэҥҥэ. Эбии дохуот киллэрэр кыахтаммыккын. Бэйэ дьыалатын тэринэргэр саамай тоҕоостоох кэм. Таптыыр доҕоруҥ күрэххэ кыттаары сылдьар эбит, онон киниэхэ өйөбүл буол.
Чубуку
Аһара үлэлиир буолаҥҥын, кэргэҥҥэр, оҕолоргор болҕомто уурбат буолбуккун. Саатар, бу нэдиэлэ салалтаҥ өссө эбии сорудах биэрэн, өрөбүллэргэ кытары үлэҕэр тиэстэр буолбуккун. Хата, хамнаскын кэмигэр төлүүр буоланнар, үп боппуруоһугар кыһалҕа суох. Төһө кыалларынан күүстээх санаалаах, тулуурдаах буол. Аны туран, чугас дьонуҥ доруобуйаларыгар болҕомтолоох буол. Оҕолоргор тымныйыы сибикитэ баар.
Күрүлгэн
Эн наһаа дьоллооххун, өрүү үөрэ-көтө сылдьаҕын. Настарыанньаҥ субу-субу уларыйар эрээри, ис туругуҥ этэҥҥэ. Саас буолан, таһырдьа үгүстүк сылдьар буолбуккун. Салгыы аскар-үөлгэр болҕомто уурдаххына, өссө үчүгэй буолуо этэ. Куртаҕыҥ ыалдьар эбит. Харчы туһуттан дьону албыннаама, чиэһинэйдик сырыт. Туох баар хараҥа былаан, дьайыыта туох да үчүгэйгэ тиэрдиэ суоҕа. Өрөбүллэргэ бырааһынньыгынан эрэ олоруоҥ.
Балык
Дуоһунаһыҥ үрдүүр чинчилээх. Үлэҕэр наһаа боччумнааххын, ылсыбыт дьыалаҕын тиһэҕэр тиэрдэр үтүө өрүттээххин. Эйигин кытта дьон наһаа билсиэн баҕарар, бэйэҕэр дьону тардаҕын. Хаһааҥҥытааҕар да ситиһиилээххин, барыта санаа-хоту табыллан иһэр. Сулумахтар, бакаа ыксаамаҥ. Барыта кэмигэр баар буолуо. Харчыгын мунньуна сатаа, өр кэмҥэ муспут баҕа санааҕын толорон, сөбүлүүр дьиэҕэ-уокка туттар малгын атыылаһыаххын сөп. Маҕаһыыннарга чэпчэтии бөҕө.
