Кини бэлиэтииринэн, ол кини тус бэйэтин санаата эбит, министиэристибэ тутуһар санаата буолбатах.
Социальнай ситимнэргэ Саха сирин олохтооҕо дьахтар Үлэ министиэристибэтин официальнай аккаунун кытары суруйсуутун хаартыската тарҕанан, өрөспүүбүлүкэ олохтоохторугар айдаан тарта.
Суруйсууга көстөрүнэн, биэдэмистибэ пресс-сулууспатын үлэһитэ, босуобуйаҕа эбии ааҕыы туһунан ыйытыы киирбитигэр, кыһалҕалаах дьахтары босуобуйаҕа олороҕун диэн кыбыһыннарбыт.
Суруйсуу хаартыската уопсастыбаҕа улахан аймалҕан таһаарда.
Пресс-сулууспа үлэһитэ онуоха маннык хоруй биэрдэ:
“Бэрдэ суох быһыы-майгы таҕыста. Маннык халы-мааргы эппиэппэр бырастыы гынаргытыгар көрдөһөбүн. Ыйытыыга эппиэттиирбэр мин бэйэм тус санаабын биллэрбитим, эппиэтим салҕыытын курдук. Мин өйдүүбүн, түөрт оҕону иитэр ыараханын, мин бэйэм биэс оҕону иитэбин, кинилэртэн түөрдэ сокуоннай саастарын ситэ илик оҕолор, босуобуйаҕа бириинсип туһуттан биэрбэтэҕим, тоҕо диэтэр бэйэм эппиэттиибин бэйэм дьиэ кэргэним туһугар.
Өссө төгүл бырастыы гынарга көрдөһөбүн, аккаунт сурутааччытыттан. Өйдүүбүн, билигин элбэх дьиэ кэргэҥҥэ ыарахан кэм. Араас олох кыһалаҕаларын быһаарсаллар, онуоха босуобуйалар сүрүн төһүү күүс буолаллар”.
Пресс-сулууспа үлэһитэ тиэрдэринэн, Саха сиринээҕи Үлэ министиэристибэтин аккаунугар 14 тыһыынча киһи суруттарбыт. Бу сыыппара – сыыппара былаас уорганнарын аккауннарын ортолоругар саамай улахан көрдөрүү. Официальнай аккауннар нөҥүө тэрилтэлэр нэһилиэнньэни кытары актыыбынайдык үлэлэһэ олороллор, ыйытыыларга эппиэттииллэр.