Виктор Лебедев хотторбутугар ким буруйдааҕый?

28.05.2012 11:30 | Автор: кыым.ру | Көрдүлэр: 3055   
Печать

main_thumb_1Ыам ыйын 25-26 күннэригэр Санкт-Петербурга көҥүл тустууга Арассыыйа чемпионата буолан ааста. Ааста. 50 сыл устата күүппүт эрэлбит эмиэ туолбата. Аан дойду икки төгүллээх чемпиона, дойдуга үс төгүл 55 киилэҕэ чулуу бөҕөс аатын субуруччу ылбыт, спорт үтүөлээх маастара – Виктор Лебедев чечен бөҕөһүттэн Джамал Отарсултановтан хотторон Лондоннааҕы олимпиадаҕа кыттар дьолуоттан матта. Петербурга биир дойдулаахтарын өйөөн Дьокуускайтан 400-чэкэ киһи кэлэн турниры көрдө. Ол иһигэр өрөспүүбүлүкэ президенэ, правительство чилиэттэрэ, о.д.а. үрдүк сололоох дьон кэлэн уолларыгар «ыалдьа» сатаатылар.

Хотторуу курус амтанын билбит дьон хапсыһыы кэнниттэн, хаһан баҕарар буоларын курдук, буруйдаахтары көрдөөн барда… Виктор Лебедев аҕа кынна, Госдума урукку дьокутаата, билигин бэйэтэ этэринэн, «үлэтэ суох боростуой Кэбээйи пенсионера» Михаил Эверстов күтүөтүн хотторууутугар , чуолаан кими буруйдаабытын бу күннэргэ ААртык.ру уонна В Якутии.ру интернет-хаһыаттарга видеоматарыйаалы көрүөххүтүн сөп. Быһа түһэн этэр эбит буоллахха, Михаил Эверстов өрөспүүбүлүкэ салалтата олимпийскай чемпионнары бэлэмнииргэ сыыһа политиканы тутуһарын кыһыйан-абаран туран этэр. Чуолаан, президент Егор Борисовы хаарыйар хаҕыс тыллар үгүстэр. Манан диэн эттэххэ, Егор Борисов уурааҕынан бүтэһик икки сылга олимпийскай чемпиону бэлэмнииргэ хааһынаттан 17 мөл. 200 тыһ. көрүллүбүтэ. Бу иннинэ биир да спортсмеҥҥа анаан бачча харчы көрүллэ илик. Бу туһунан «Аартык.ру» суруйар.