«Хаҥалас хапсаҕайын» түмүктэрэ

06.02.2012 15:39 | Автор: Кыым.ру | Көрдүлэр: 2496   
Печать

32299_1040Покровскай куорат икки күн устата тыҥааһыннаах киирсии киинигэр кубулуйда. Быйыл 15 сылын ыытыллар «Хаҥалас хапсаҕайа» күрэхтэһии бэрт тыҥааһыннаахтык ааста. Кыттааччы ахсаана хаһааҥҥытааҕар да элбэх буолла. Ол курдук уопсайа 21 улуустан хамаанда кыттыбытыттан 300 кэриҥэ бөҕөс күрэс былдьаста. Күрэхтэһии бэлиэ түгэнинэн төрүт хапсаҕай диэн киирсии буолла. Бу көрүҥ былырыыҥҥыттан саҥа киирбитэ. Манна бөҕөстөр хапсаҕай төрүт албастарын көрдөрөн күрэхтэһэллэр. Төрүт хапсаҕайга эмиэ туспа кыайыылаахтар ааттаннылар. Түмүккэ хас биирдии бөлөххө ыйааһыннарынан кыайыылаахтары ааттаатылар.

90 киилэйэ диэри ыйааһыҥҥа күүстээх бөҕөс, соторутааҕыта Красноярскайга буолбут турнирга ситиһиилээхтик кыттыбыт Семен Семенов Нам спортсменыгар Вадим Семеновка хотторон иккис буолла. Оттон 70 киилэ ыйааьынна эмиэ аатырбыт бөҕөс Прокопий Петров үһүс эрэ миэстэҕэ тигистэ. Ол эрээри финал кэнниттэн ыытыллыбыт абсолютнай хапсыһыыга Прокопий өрөгөйдөөх кыайыыны ситистэ.  Кини "Хаҥалас хапсаҕайыгар" иккис төгүлүн абсолютнай чемпион аатын ылла.