Дьокуускай аннынан муус барда  Бүгүн, ыам ыйын 17 күнүгэр, Дьокуускай куорат аннынан муус хойуутук устар. Уу таһыма 496 см буолла. Муус үөһэ кирбиитэ Хаҥалас улууһун Иһит бөһүөлэгин аннынан баар. Онно у... | Уу суола суолтатын сүтэрбэт  Ас-үөл, атын да таһаҕас тиэллиитигэр хорук тымыр суолталаах уу суола – сүрүн көмө. СӨ олох-дьаһах хааччыллыытыгар куттал суох буолуутун судаарыстыбаннай кэмитиэтэ иһитиннэ... |
Олох Спорт «Азия оҕолоро» чугаһыыр
Азия Олимпийскай оонньууларга Департаменын дириэктэрэ Хайдер Фарман кэлэн, «Азия Оҕолоругар» бэлэмнэнии хаамыытын кытта билсиһэн барда.
Спортивнай тутуулары көрдө-иһиттэ. «Триумф» диэн тутулла турар элбэх хайысхалаах култуурунай-спортивнай комплекска сырытта. Комплекс 3000 миэстэлээх, уопсай иэнэ 16 тыһ. кв м. Үс булуокка арена, гостиница, ресторан, кафе, үрдүк «смотровой» башнялаах. Аан дойду таһымнаах ирдэбилгэ эппиэттэһэр тутуу «Юность» стадион таһынан, Сайсары биэрэгэр түстэммит.
Ону сэргэ Ойуунускай уонна Автодорожнай уулуссалары ситимниир 116 миэтэрэлээх Сайсары муостата бу тэрээһин чэрчитинэн барар эбит. Футбол манеһа, «Модун» спорткомплексын иккис уочарата, «Көлүкэчээн» бассейн тутулла турар.
Туһааннаах Сэбиэт кыттыыта «Азия оҕолоругар» кыттааччы дойду ахсаанын элбэтиэ диэн суоттууллар. 30 араас дойдуттан кыра буолбат чинчилээх. Уруккуларга 16 дойду бэрэстэбиитэллэрэ кыттыбыттара.
Азия Олимпийскай Сэбиэтин ситэриилээх уорганын штаб-кыбартыырата Дьокуускайга баар буолуо диэн санаа эмиэ баар.
TOP
Настоящее свидетельство выдано в соответствии с Законом Российской Федерации от 27 декабря 1991 года №2124 "О средствах массовой информации". Управление Федеральной службы по надзору в сфере связи, информационных технологий и массовых коммуникаций по Республике Саха (Якутия) ИА №ТУ 14 - 0098 от 22 апреля 2010г.
Учредитель ИА «Кыым» -- ООО «Ситим-Медиа». Главный редактор – Нутчина Т.К.