Покровскай куорат икки күн устата тыҥааһыннаах киирсии киинигэр кубулуйда. Быйыл 15 сылын ыытыллар «Хаҥалас хапсаҕайа» күрэхтэһии бэрт тыҥааһыннаахтык ааста. Кыттааччы ахсаана хаһааҥҥытааҕар да элбэх буолла. Ол курдук уопсайа 21 улуустан хамаанда кыттыбытыттан 300 кэриҥэ бөҕөс күрэс былдьаста. Күрэхтэһии бэлиэ түгэнинэн төрүт хапсаҕай диэн киирсии буолла. Бу көрүҥ былырыыҥҥыттан саҥа киирбитэ. Манна бөҕөстөр хапсаҕай төрүт албастарын көрдөрөн күрэхтэһэллэр. Төрүт хапсаҕайга эмиэ туспа кыайыылаахтар ааттаннылар. Түмүккэ хас биирдии бөлөххө ыйааһыннарынан кыайыылаахтары ааттаатылар.

СИА иһитиннэрбитинэн, эһиил буолуохтаах «Азия оҕолоро» спортивнай күрэххэ, бүгүҥҥү күн туругунан, 17 дойду кыттарын бигэргэттэ. Билигин кыттааччылар сайаапкалара, ханнык көрүҥҥэ хас оҕо кыттыахтааҕа чуолкайдана сылдьар. Бу туһунан тас сибээскэ миниистир солбуйааччыта Фаина Соколова иһитиннэрдэ. Азербайджан, Вьетнам, Индия, Ирак, Иран, Кытай, Пакистан, Палестина, Корея Республиката, Узбекистан, Сингапур, Сирия, Таджикистан, Казахстан, Туркменистан, Шри-Ланка, Малайзия дойдулара кытталларын туһунан бигэргэттилэр. Маны таһынан Бахрейн, Бутана, Камбоджи, Катара, Лаос, Мальдивия Республиката, Саудовскай Аравия, Таиланд, Япония уонна Монголия оонньууну олус сэргээбиттэрин, интэриэһиргээбиттэрин биллэрдилэр.

– Михаил Дмитриевич, кэбиниэтиҥ киэҥэ-куоҥа, сырдыга үчүгэйэ бэрт эбит! Ол гынан баран, сэкирэтээриҥ суох дуу, тугуй?

– Дириэксийэҕэ сэкирэтээр дуоһунаһа көрүллүбэт. Түөрпүт эрэ, – диэн баран, эһиил сайын буолуохтаах «Азия оҕолоро» күрэхтэһиигэ, «Арассыыйа – спорт державата» Спорт форумугар анаан тутуллар түөрт сүҥкэн улахан тутууга эппиэтинэстээх дириэксийэ генеральнай дириэктэрэ Михаил Дмитриевич Гуляев күлэн кэбиһэр.

М.К. Аммосов аатынан Хотугулуу-Илиҥҥи федеральнай университет Олимпийскай дэриэбинэтэ эһиил «Азия оҕолоро» V аан дойдутааҕы оонньуу уонна «Арассыыйа – спорт державата» форум кыттыылаахтарын көрсүө.

Быйыл уопсай дьиэлэри өрөмүөннээһиҥҥэ 180 мөл. солк. көрүллүбүт. Бүгүҥҥү туругунан уопсай дьиэлэргэ тутуу-таҥыы үлэтигэр – 84 мөл. 700 тыһ., солк, спорт эбийиэктэригэр – 4 мөл. 600 тыһ. солк., ас-үөл пууннарыгар 7 мөл. 800 тыһ. солк. туттуллубут.

Ґірэх министиэристибэтигэр Физкультура уонна спорт киинин дириэктэрэ Михаил Иванович Варламовы кытта үірэнээччи доруобуйатын тупсарыыга туох үлэ барарын туґунан сэґэргэстибит:

— Оскуолаҕа оҕо доруобуйатын тупсарарга туох үлэ барарый?

— Оҕо доруобуйатын тупсарыы — сүрүн сыалбыт-сорукпут. Дьыссааттан саҕалаан оскуоланы бүтэриэр диэри физкультуранан дьарыктанарыгар үірэх бырагырааматын, ньыматын оІоробут. Судаарыстыба маныаха туґуламмыт бэлиитикэтин ыытабыт.

Бу өрөбүллэргэ өрөспүүбүлүкэ үрдүнэн «Кросс наций» сүүрүү буолан ааста. Субуотаҕа төһө да тымныы хахсаат күн буолбутун иһин  Дьокуускай куоракка 13962 киһи сүүрүүгэ кытынна. Оттон өрөспүүбүлүкэ үрдүнэн, бараллаан ааҕыынан, 75662 киһи сүүрдэ.

Азия Олимпийскай оонньууларга Департаменын дириэктэрэ Хайдер Фарман кэлэн, «Азия Оҕолоругар» бэлэмнэнии хаамыытын кытта билсиһэн барда.

Спортивнай тутуулары көрдө-иһиттэ. «Триумф» диэн тутулла турар элбэх хайысхалаах култуурунай-спортивнай комплекска сырытта. Комплекс 3000 миэстэлээх, уопсай иэнэ 16 тыһ. кв м. Үс булуокка арена, гостиница, ресторан, кафе, үрдүк «смотровой» башнялаах. Аан дойду таһымнаах ирдэбилгэ эппиэттэһэр тутуу «Юность» стадион таһынан, Сайсары биэрэгэр түстэммит.

Дьокуускайга Арассыыйа көҥүл тустууга чөмпүйэнээтэ буолан ааспытын көрдүм. Дьиҥинэн, улахан тустуук киһи буолбатахпын эрээри, тустуу энтузиастара хаһыаттарга дөрүн-дөрүн өрөспүүбүлүкэбит тустуутун эйгэтигэр кэккэ уустуктар, кыайтарбат кыһалҕалар баалларын туһунан суруйаллара сиэрдээҕин дьиҥ чахчы итэҕэйдим. Мин эрэ буолуо дуо, бу тэрээһин кэниттэн тустууну сэҥээрээччилэр бука бары оннук толкуйга тиийбиттэрэ саарбахтаммат.

Саха сиригэр Арассыыйа көҥүл тустууга чемпионата ыытыллара аҕыйах күн хаалла. Бүгүҥҥү күн туругунан, аныгы тиэхиньикэнэн толору сэбилэммит 1500 миэстэлээх спортивнай саала бэлэм. Бары спорду сэҥээрээччи чемпионакка сылдьар усулуобуйата суоҕунан, өрөспүүбүлүкэ хас биирдии олохтооҕо чемпионат хаамыытын быһа эфир нөҥүө телевизорынан көрөр кыахтанна. «Саха» НКИК көрөөччүлэригэр 10-00 чаастан 15-00 чааска диэри бастакы итиэннэ түмүк киирсиилэри 16-00 чаастан 20-30 мүнүүтэҕэ диэри көрдөрүө.