Тыһыынча кэриҥэ колледж уонна техникум преподавателлара Саха сиригэр, куратордыыр үлэлэрин иһин эбии 10 тыһыынча харчы ылыахтара, диэн иһитиннэрэллэр өрөспүүбүлүкэ бырабыытылыстыбатын саайтыгар, үөрэҕирии уонна билим миниистиригэр Михаил Сивцевкэ сигэнэн.
Арассыыйа бэрэсидьиэнэ Владимир Путин Федеральнай мунньахха бэйэтин ыытыытыгар, техникумнар уонна колледжтар куратордардарыгар куратордыылларын иһин хамнастарын эбии үрдэтэргэ, диэн этии киллэрдэ.
«Бүгүн, сыл ахсын аныыр ыытыытыгар дойду бэрэсидьиэнэ Владимир Путин бэлиэтээтэ, техникумнарга уонна колледжатарга устудьуон бөлөхтөрүн салайар преподователларга, оскуолаҕа кылаас салайааччыларын эбии хамнас ылалларын курдук төлөбүрдэри олохтуурга Туох баар эбии харчыларын уонна коэффициеннарын учуоттаан туран бу суумма 10 тыһыынча кэриҥэ харчы буолуоҕа. Уопсайа, биһиги анал профессиональнай үөрэх тэрилтэлэрбитигэр биһиэхэ тыһыынча кэриҥэ преподаватель үлэлии-хамныы сылдьар», - диэн бэлиэтээтэ Михаил Сивцев.
Бүтүннүүтэ, Саха сиригэр 42 анал профессиональнай үөрэхтээһин тэрилтэлэрэ үлэлииллэр. Ону таһынан, анал орто профессиональнай үөрэхтээһин бырагырааммалара Хотугулуу-Илиҥҥи федеральнай үнүбүрсүтүөккэ, Арктическай судаарыстыбыннай агротехнологическай үнүбүрсүтүөккэ, Чурапчытааҕа физическай култуура уонна успуорт үнүстүтүүтүгэр уонна Үрдүкү муусука оскуолатыгар ситиһиилээхтик үлэлии тураллар.