Эһиилгиттэн сүөһү төбөтүгэр бэриллэр 35 тыһ. солк. субсидияны туох да улахан отчуота-таймата суох биэрэр буолуохтара.
Бу туһунан Ил Түмэн дьокутаата Мария Христофорова инстаграмыгар суруйбут. Санатар буоллахха, кини бырабыыталыстыба бэрэссэдээтэлигэр Андрей Тарасенкоҕа "тыа дьонугар Саҥа дьыллааҕы бэлэх быһыытынан - бу көрүллэр 35 тыһ. солк. туох да отчуота суох, социальнай көмө быһыытынан биэриэххэ, ону балаһыанньаҕа киллэрэн бигэргэтиэххэ" диэн туруорсубута. Бүгүн тыа хаһаайыстыбатын миниистирэ Александр Атласов ити судаарыстыбаннай көмө туох да отчуота суох бэриллэр буолбутун туһунан иһитиннэрбит.
Өрөспүүбүлүкэтээҕи ЛПХ туһунан сокуон федеральнай сокуоҥҥа кэмигэр сөп түбэһиллэр көннөрүүлэри киллэрбэтэх буолан, 2,5 гектардаах сир ити субсидияҕа эмиэ улахан харгыс буолуохтаах этэ. Онуоха миниистир ити 2,5 гектаардаах сир туһунан уларытыллыбыт, онон харгыс буолар кыаҕа суох буолбутун эппит.
Сэҥээриилэр
Ханнык баҕарар бүдьдьүөттэн бэриллэр малынан, харчыннан көмө социальнай көмө тустаах көрүҥүттэн ураты дохуот быһыытынан ааҕыллан 13% нолуоктанар. Оттон социальнай көмө көрүҥэ, ону ылааччы социальнай статуһа федеральнай сокуоҥҥа тустаан ыйылла сылдьаллар. Ол иһигэр сүөһү иитээччи диэн суох. Нолуоктаммат көмө ороскуоту компенсациялааһын эрэ диэн баар. Ол иһин ийэ сүөһүнү тыыннаах хаалларыыга тахсар нуормаламмыт ороскуоту компенсациялааһын (ким нуорма таһынан ороскуоту ылыныллар оччуотунан дакаастаабыкка оччуотун кээмэйинэн), онтон ордор көмө сууммата хааллаҕына хамнас быһыытынан көрөн НДФЛ ааҕыллар бэрээдэгинэн нолуоктуур сөп буолуох этэ.