Бүгүн, ахсынньы 2 күнүгэр, Ил Дархан Айсен Николаев оробуочай сырыытынан Өлөөн улууһугар үлэлиир. Бу туһунан баһылык пресс-сэкэрэтээрэ Афанасий Ноев иһитиннэрэр.
Оробуочай сырыы чэрчитинэн Айсен Сергеевич Өлөөҥҥө ВОЛС лииньийэтин үөрүүлээх холбооһунугар кыттыаҕа. Онно “Өлөөн-Дьилиндэ-Сааскылаах-Үрүҥ Хайа” маршрутунан ВОЛС лииньийэтин салгыы тардарга сөбүлэҥ түһэрсиллиэҕэ. Маны таһынан, Айсен Николаев Өлөөн сэлиэнньэтигэр “Сахаэнерго” саҥа дизель ыстаансыйатын арыллыытыгар кыттыаҕа. Ол кэннэ улуус киинигэр улуус социальнай-экэнэмиичэскэй сайдыытын тула киэҥ ыҥырыылаах мунньаҕы ыытыаҕа.