Москубаҕа бу күннэргэ буола турар “Вкусы России” II гастрономическай бэстибээлгэ “Якутские продукты” СХПК Саха сирин аатыттан кыттар.
Сахалар павильоннорыгар Москуба мээрэ Сергей Собянин уонна РФ тыатын хаһаайыстыбатын миниистирэ Дмитрий Патрушев ыалдьыттаан аастылар.
Yakutia24/Якутия24«Биһиги үрдүк сололоох чунуобунньуктар кэлиэхтэрэ диэн сэрэйбэтэхпит, онон соһуччу түгэн буолла. Бастаан Собянин тохтоон дорооболоспута, онтон Немерюк Саха сириттэн илдьибит балыкпыт туһунан кэпсээн барбыта. Ол кэннэ атыыһыппыт хотугу дойду киэн туттуута уомул балыкпыт Байкал да киэнинээҕэр минньигэһин кэпсээтэ. Ону тэҥэ тууһаммыт муксун, чир сугудайын, индигирка туһунан Москуба мээригэр билиһиннэрдибит.
Маннык бэстибээллэр эрэгийиэннэргэ оҥоһуллар бреннэр сайдалларыгар, тарҕаналларыгар төһүү күүс буолаллар. Дойдубут киин куоратын олохтоохторо бэркэ билэр, сөбүлүүр астарын атыылаһалларын таһынан, атын эрэгийиэннэр төрүт астарын-үөллэрин билсэр кыахтаналлар. Онон биһиги Саха сирин амтаннаах аһын үрдүк таһымнаахтык билиһиннэриэхпит, көрдөрүөхпүт-иһитиннэриэхпит диэн эрэнэбит!” – диэн кэпсиир «Якутские продукты» СХПК бэрэссэдээтэлэ Павел Чириков.