Кытай Цзянсу провинциятын Сучжоу куоратыгар олорор дьахтар сүүрбэччэ сыллааҕыта сүтэрбит кыыһа төрөөбүт дьиэтигэр кийиит буолан кэлбитин туһунан суруйаллар.
Дьахтар уолун сыбаайбатын күн кийиитэ илиитигэр бэлиэ мэҥнээҕин көрөн олус дьиктиргээбит уонна ходоҕойуттан уора-көстө “сүүрбэччэ сыллааҕыта ити кыыһы иитэ ылбатаххыт дуо?” диэн ыйыппыт. Кийиит дьоно улаханнык соһуйбуттар, “кыыһы букатын кыра эрдэҕинэ уулуссаттан булан бэйэбит оҕобут курдук ииппиппит” диэн билиммиттэр. Ити иннинэ кинилэр “кыыстарыгар” ол туһунан тугу да эппэккэ сылдьыбыттар.
Ити көрсүһүүттэн хайаларынааҕар даҕаны ордук сүтэн баран көстүбүт кыыс бэйэтэ үөрбүт. Арай, таптаабыт уолугар ойох тахсыбат буолбутуттан хомойбут. Ол эрээри ийэлэрэ “сүппүтүҥ кэннэ эйигин көрдүү сатаан баран булумуна, уол оҕону ииттэ ылбытым” диэн билинэн, урууну тохтоппотохтор. Кыыстаах уол бииргэ төрөөбүт хаан-уруу дьон буолбатахтар эбит.
