Сарсыҥҥыттан, ыам ыйын 12 күнүттэн, Дьокуускай куорат бүтэрэр кылаастара (9-с уонна 11-с кылаастар) үөрэнээччилэрэ хамсык хааччахтара бүтүөхтэригэр дылы дьиэттэн олорон үөрэниигэ көһөллөр. Бу туһунан куорат үөрэҕин управлениета иһитиннэрэр.
Бүгүҥҥүттэн атын кылаастар онлайн үөрэтиигэ көспүттэрэ. ГИАҕа уонна СКЭҕэ бэлэмнэнии Роспотребнадзор ирдэбилин тутуһан, кыра бөлөхтөрүнэн оскуолаҕа ыытыллыахтара. Оскуолаларга туох баар тэрээһиннэр, ол иһигэр Тиһэх чуораан бырааһынньыга, банкет барыта онлайн буолар буолбут. Суһал ыстаап бу иннинэ оскуола оҕолорун ортотугар коронавирус күүскэ тарҕанарын эппитэ, икки оҕо ИВЛ аппараатыгар холбонон сытар.