Сахалыы киинэни сэргээччилэргэ

04.03.2013 16:40 | Автор: Кыым | Көрдүлэр: 4682   
Печать

6548Олунньу 21 күнүгэр “Давлят” киинэ иккис чааһа көрөөччү дьүүлүгэр таҕыста. Киинэ режессерунан Прокопий Федоров буолар. Киинэҕэ сүрүн оруолу, Давляты Клим Федоров оонньуур. Кини кэргэнин оруолун Мэҥэ-Хаҥалас улууһун Ходулов аатынан театра сүрүн режессера Александра Скрябина толорор. Киинэҕэ төһө да идэтийбит артыыстар оонньооботоллор, кинилэр бэйэлэрин оруолларын бэрт итэҕэтиилээхтик көрдөрөллөр. Ону таһынан, идэтийбит юморист Аркадий Новиков маннык оруоллары оонньуу үөрэммит киһи, бу да сырыыга көрөөччүлэри күллэрэн “уҥнара” сыста.

Урукку өттүгэр сахалыы киинэлэргэ төттөрүтүн тыа киһитэ куорат сиригэр кэлэн буккуллар-тэккиллэрэ эбэтэр ойуурга “ужас” жанырдаах киинэлэр уһуллар буоллахтарына, бу киинэҕэ төттөрүтүн урукку өттүгэр оччо-бачча тыа олоҕун билбэт киһи манна кэлэн буккуллар, көрүдьүөс түгэннэргэ түбэһэр. Буолаары буолан, ойуурга. Дьиҥэр, ойуурга массыына алдьаныыта, хас да күнү быһа ойууру тэлэ сылдьааһын, бөрөҕө түбэһии көрүдьүөс түгэн буолбатаҕын иһин, артыыстар оруолларын бэртээхэйдик оонньуулларыттан, киинэ бэйэтин жанрыгар – комедияҕа эппиэттэһэр.