Төлөпүөннэрин нүөмэрэ – 122
СӨ Доруобуйаҕа харыстабылын министиэристибэтэ санатарынан, хамсык уустук балаһыанньатыттан сылтаан, COVID-19 кыһалҕатыгар аналлаах Биир кэлим сырдатар-справочнай сулууспа үлэтин саҕалаата. Тустаах тэрилтэ пресс-сулууспата иһитиннэрэринэн, төлөпүөннэрин нүөмэрдэрэ – «122».
«122» Биир кэлим сырдатар-справочнай сулууспа төгүрүк суукканы быһа үлэлиир. Манна суотабай уонна стационарнай эпэрээтэрдэртэн эрийии сыаната буор босхо.
Эрийэн тиийэн, доруобуйа харыстабылыгар, социальнай көмүскэл, уйулҕа үлэһитин уонна волонтер көмүскэлигэр сыһыаннаах консултаассыйа ылыахха сөп.
«122» нүөмэрдээх Биир кэлим сырдатар-справочнай сулууспаттан маннык өҥөлөрү ылыахха сөп:
- «1» кунуопканы баттаатахха — Дьокуускай куорат 3 нүөмэрдээх балыыһатын Coll-сыантырыгар холбоноҕун;
- «2» кунуопканы баттаатахха — нэһилиэнньэ социальнай боппуруостарыгар үлэлиир эпэрээтэр холбонор;
- «3» кунуопканы баттаатахха — волонтер уонна уйулҕа үлэһитин боппуруостарыгар үлэлиир эпэрээтэр холбонор;
- «4» кунуопканы баттаатахха — доруобуйа харыстабылын уонна Covid-19 боппуруостарынан дьарыктанар Coll-сыантырга тиийэҕин.
.