Саха Күөрэгэйэ

24.12.2012 13:56 | Автор: Кыым | Көрдүлэр: 2818   
Печать

654545_copyСаха Күөрэгэйэ. Бар дьон сүрэҕэр, өйүгэр-санаатыгар үйэлэргэ иҥэн хаалбыт кэрэ аат! Ити аат уһулуччу талааннаах ырыаһыт Екатерина Афанасьевна Захароваҕа тыыннааҕар иҥмитэ. Кини баара-суоҕа А¡ЫС эрэ сыл устата ускуустуба түһүлгэтигэр күлүм гынан ааспыта. Ол кэннэ тыйаатырбыт сыаната араас чаҕылхай талааннаахтары көрдө. Хаһыаттар, араадьыйа, тэлэбиидэнньэ олортон сорохторугар, соһуйбут курдук, “Саха Күөрэгэйэ” диэн ааты биэрэ сылдьыбыттара да, хайаларыгар да кыайан иҥмэтэҕэ. Тоҕо диэтэххэ, дьиҥнээх САХА КҮӨРЭГЭЙЭ – соҕотох!

Итиэннэ соҕотоҕун өлбөөдүйбэт сулус буолан, үйэлэргэ күлүмүрдүү сылдьыаҕа.

Ол эрээри саха национальнай вокальнай ускуустубатын саҕалаабыт, 25 эрэ сыл күн сиригэр олорбут чаҕылхай сулуспут умнууга хаалла дии саныыбыт. Көлүөнэни көлүөнэ солбуйан истэҕин аайы, кини айбыт мелодияларын “норуот матыыба” диэн уҕалдьытыы баар. Холобур: “Бырастыы, Кавказ”, “Кэҕэ”, “Түүл” (Табыллан аанньатык сыппакка...), “Үөрэх ыҥырыыта”, “Уой да уой”, “Көлүкэчээн”, “Ол түүн”, “Өргөскүн сытыылаа”.

Биһиги, төрөөбүт сирин, Амма Эмиһин дьоно, Дьокуускайдааҕы “Эмис” түмсүү кыттыылаахтара, кини утумнара эрэнэбит: чаҕылхай талааннаах Саха Күөрэгэйэ, саха дьахталларыттан бастакы мелодист, драма артыыһа, саха ускуустубата сайдарыгар акылаат уурбут киһибит айбыт үлэлэрэ, ырыалара дьон-сэргэ сүрэҕэр сөҥөн сытара буолуо диэн. Ол иһин Сахабыт сирин бары олохтоохторун, улууһуттан тутулуга суох, ыҥырабыт, көрдөһөбүт: Е.А. Захарова-Саха Күөрэгэйин туһунан тугу билэргитин, истибиккитин, өбүгэлэргит кэпсээн хаалбытытта.н тугу өйдүүргүтүн дьоҥҥо-сэргэҕэ биллэриҥ, кэпсээҥ. Кини доҕотторугар пластинка бэлэхтиир идэлээҕэ үһү. Баҕар, кимиэхэ эрэ ол баара буолуо. Ону сэргэ, тыйаатырын дьоно, ускуустуба эйгэтигэр үлэлээбит, үлэлии сылдьар салайааччылар болҕомтолорун ууран, өйдүөхтэрэ диэн эрэнэбит.

Саха Күөрэгэйэ – Екатерина Афанасьевна Захарова аата-суола, сырдык мөссүөнэ умнууга хаалбакка, үйэлэргэ сандаардын!