“Росконтроль” дойдуга куһуогунан атыыланар саахар (рафинад) хаачыстыбатын бэрэбиэркэлээтэ. Барыта 7 араас саахар суордун көрдүлэр: “Чайкофский”, “Советский сахар”, “Русский сахар”, “Продимекс”, “У самовара”, “Городейский сахар” уонна “Чуточка”... Бэрэбиэркэҕэ кэлбит саахары 40 араас таһымынан хаачыстыбатын тургутан көрдүлэр: төһө сииктээҕин, сахарозатын, амтанын, төһө сууралларын, өҥүн, састаабын уо.д.а.
Ол түмүгүнэн, “судаарыстыбаннай ыстандаарка бары эппиэттэһэллэр” диэн быһаардылар. Арай, “Продимекс” диэн саахар нуорманы 11 төгүл куоһарар гына бытарыйымтыатын, “Чуточка” маарка ууга олус бытааннык сууралларын бэлиэтээтилэр. Ону таһынан, “Продимекс” уонна “Русский сахар” диэн бреннэргэ, төһө да нуорманы куоһарбатаҕын иһин, буортулаах элэмиэннэр бааллара көһүннэ.
Ол эрээри, саахар барыта хаачыстыба өттүнэн сииргэ көҥүллэнэр, туох да буортута суох эбит.