Бу иннинэ бүддьүөт тэрилтэлэрин хамнаһа, оттон бу алтынньыттан саҕалаан, РФ Биэнсийэ пуондатыттан кэлэр биэнсийэ, босуобуйа арааһа, хат дьахталлар, оҕону көрөн олоруу босуобуйалара, үлэтэ суохтарга бэриллэр босуобуйа, үһүс уонна онтон кэлэр оҕоҕо бэриллэр, үһүттэн сэттэтигэр диэри ааҕыллар босуобуйа, больничнай төлөбүрэ барыта булгуччу “Мир” каартаҕа түһэр буолбутун истэн олордоххут? Аны, бу сэтинньиттэн дойду национальнай төлүбүрүн тиһигэр, о.э. “Мир” каартаҕа, биисинэһи кытыарыы саҕаланна.
Ол курдук, туһанааччыны кытта уу харчынан оросчуоттаһар агрегаторы бас билээччи төлөбүрү “Мир” каартанан ылар эбээһинэстэммит. Билиҥҥитэ бу ирдэбил ааспыт сыл түмүгүнэн 40 мөл. солк. үгүөрү барыһы киллэриммит урбаанньыттарга дьайар. Оттон эһиил, кулун тутар 1 күнүттэн бэс ыйын 30 күнүгэр диэри, ирдэбилгэ хапсар барыс кээмэйэ – 30 мөл. солк. диэри, онтон салгыы 20 мөл. солк. диэри түһэр эбит. Бу туһунан Госдума бэрэссэдээтэлэ Вячеслав Володин иһитиннэрдэ.