Дьокуускай аннынан муус барда  Бүгүн, ыам ыйын 17 күнүгэр, Дьокуускай куорат аннынан муус хойуутук устар. Уу таһыма 496 см буолла. Муус үөһэ кирбиитэ Хаҥалас улууһун Иһит бөһүөлэгин аннынан баар. Онно у... | Уу суола суолтатын сүтэрбэт  Ас-үөл, атын да таһаҕас тиэллиитигэр хорук тымыр суолталаах уу суола – сүрүн көмө. СӨ олох-дьаһах хааччыллыытыгар куттал суох буолуутун судаарыстыбаннай кэмитиэтэ иһитиннэ... |
Олох Культура «Тылдьыт” хаһан тахсар?
Саха тылыгар билигин ханнык да таба суруйуу быраабылата үлэлээбэт буолбута хаһыс да сыла буолла. Ким хайдах сатыырынан-кыайарынан суруйа олоробут. Бу көстүү дириҥээн бардаҕына, сотору тыла суох хаалар кутталлаахпыт. Былырыын сайын дуу, күһүн дуу “кыымнар” “Гуманитарнай чинчийии институтун кытта кэпсэттибит, кинилэр аны кыһын Саҥа дьыл иннигэр саҥа таба суруйуу тылдьытын оҥорон таһаарыах буоллулар” диэн суруйбут этигит. Ол эбэтэр, тылдьыт билигин хайыы-үйэ бэлэм, тахсыбыт буолуохтаах этэ. Эһиги сымыйалаабыккыт дуу, институттар дуу...
Быйыл (“Кыым”, 2-с №) хаһыаккыт үлэһитэ Геннадий Гурьев институкка саха тылыгар эппиэттээх Петр Слепцову кытта кэпсэтиитэ тахсыбыт. Онно ол сордоох-муҥнаах тылдьыт 2012 сыл бүтүүтэ эрэ тахсыан сөбө суруллубут. Ону да саарбахтааһыннаах курдук. Ол эбэтэр, “Таба суруйуу тылдьыта” тахсыыта өссө биир сыл сыҕарыйан биэрбит. Гуманитарнай чинчийии институтун үлэһиттэрэ “Саха тылын быһаарыылаах улахан тылдьытын” сүүрбэччэ сылы быһа оҥоро сатыы сылдьалларын туһунан хаста да суруллан турар. Бүтэриэхтэрэ өссө да ыраах. Онтон сылыктаатахха, кинилэр ол айдааннаах “таба суруйууларын тылдьытын” аны кыһын буолбакка, аны уонча сылынан, сахалыы ааҕар-суруйар киһи бүппүтүн кэннэ эрэ бөрөөн бүтэрииһилэр. Ханнык баҕарар киһилии тэрилтэҕэ мөлтөх үлэлээх, үлэни кыайбат дьону сэмэлиир, үлэттэн ууратар, дьоҕурдаах дьонунан солбуйан биэрэр үгэс баар буолааччы. Ол бэрээдэк гуманитарнай институкка тоҕо үлэлээбэтий? Институт отделлара бары оннук “үлэлииллэр” дуу, саха тылыгар эппиэттээх дьон эрэ соруйан итинник үлэни сырыыптыыллар дуу? Уопсайынан, бу үлэ-хамнас иһин өрөспүүбүлүкэ салалтатыгар ким эппиэттиирий, дьаһал ылыллара уолдьаһа илик дуо?
TOP
Настоящее свидетельство выдано в соответствии с Законом Российской Федерации от 27 декабря 1991 года №2124 "О средствах массовой информации". Управление Федеральной службы по надзору в сфере связи, информационных технологий и массовых коммуникаций по Республике Саха (Якутия) ИА №ТУ 14 - 0098 от 22 апреля 2010г.
Учредитель ИА «Кыым» -- ООО «Ситим-Медиа». Главный редактор – Нутчина Т.К.