Бэҕэһээ, «Азия оҕолоро» норуоттар икки ардыларынааҕы успуорт оонньууларын үһүс күнэ олус тыҥааһыннаах буолан ааста. Успуорт 9 көрүҥэр күрэхтэһиилэр буоллулар, оттон алта көрүҥҥэ мэтээл иһин кииристилэр: художественнай гимнастикаҕа, остуол тенниһигэр, греко-римскэ й тустууга, чэпчэки атлетикаҕа, харбааһыҥҥа уонна тхэквондоҕа.
Саха сирин хамаандатын оҕолоро, чэпчэки атлетикаҕа кыттааччылара Даниил Володин уонна Валентин Васильев «кылыыга» кыттан иккис уонна үһүс миэстэ буоллулар.
Бүгүн мэтээл иһин теннисистэр, тустууктар, чэпчэки атлетикаһыттар уонна баскетболистар кыттыахтара.
Санатар буоллахха, «Азия оҕолоро» VII норуоттар икки ардыларынааҕы спортивнай оонньуулар Владивосток куоракка от ыйын 27 күнүттэн атырдьах ыйын 7 күнүгэр диэри ыытыллаллар. Саха сириттэн 18 успуорт көрүҥэр 120 спортсмен оҕо кыттар.