Бэҕэһээ Дьокуускайга ойуур баһаарын умуруорууга Арассыыйа ыксаллаах-быһыыга-майгыга министиэристибэтин икки Бе-200 сөмөлүөтэ кэлэннэр устунан Уус Маайа улууһугар үлэлии көттүлэр.
«От ыйын 27 күнүнээҕи туругунан улуус 5 184 га иэннээх сиригэр буола турар биэс ойуур баһаарын умуруора сылдьабыт. Манна 446 уонна 10 тиэхиньикэ үлэлиир», – диэн СӨ Бырабыыталыстыбатын бэрэссэдээтэлин бастакы солбуйааччыта Дмитрий Садовников иһитиннэрдэ.
Пресс-сулууспа Бе-200 сөмөлүөттэри Ил Дархан Айсен Николаев көрдөһүүтүнэн уустук балаһыанньалаах Уус Маайа улууһугар ыыттылар диэн тоһоҕолоон суруйда.
Хаартыска: Арассыыйа ыксаллаах-быһыыга-майгыга министиэристибэтин Саха сиринээҕи салаата