Доруобуйаларын туругунан коронавирус вакцинатын кыайан ылбат дьон «Госуслуги» портал нөҥүө бигэргэтэр сэртипикээт ылар буоллуллар. Ол туһунан анал дьаһалы РФ бырабыыталыстыбатын бэрэссэдээтэлэ Михаил Мишустин таһаарда. Киһи доруобуйатын туругунан кыайан вакцина ылбатын туһунан быһаарыыны быраас эрэ таһаарар диэн кини тоһоҕолоон эттэ.
Вакцина ылартан босхолуур туһунан быһаарыыны мэдисиинэ тэрилтэтэ доруобуйа харыстабылын биир кэлим информационнай систиэмэтигэр киллэрэр, онтон быһаарыы судаарыстыбаннай өҥө порталыгар тиийэр. Сэртипикээт портал «Сведения об иммунизации COVID-19» салаатыгар баар буолуо. ПЦР-тест уонна антителалары чинчийии түмүктэрэ эмиэ онно бааллар.