Саха сиригэр баар Киргизия босуолустубатын аадырыһыгар, биллибэт дьонтон тэрилтэ иһигэр миинэ иитиллибитин туһунан иһитиннэрии киирдэ. Тэрилтэ Орджоникидзе аатынан уулуссаҕа, "Алмаз" дьыалабыай киин иһигэр баар.
Ол туһунан суруналыыстарга Саха сирин норуоттарын дьыалаларын уонна тас сибээскэ миниистирэ Гаврил Кириллин тиэрдэр.
Кириллин этэринэн: "Иһитиннэрии посольство электроннай почтатыгар киирбит. Анал сулууспалар атахтарыгар тураннар, бэрэбиэркэ ыытан, эстэр эттик булбатылар. Иһитиннэрии сымыйа буолан таҕыста".
Ону таһынан, кини бэлиэтииринэн, Киргизия босуолустубатын үлэһиттэригэр туох да куттал суоһаабат.
Электроннай почтаҕа кэлбит биллибэт дьонтон сурукка, Казахстаҥҥа киирбит кыргыыс аармыйатын саллааттарын таһааралларыгар модьуйуу баар эбит.