Бэҕэһээ РФ култуураҕа министиэристибэтэ, култуурунай уонна сынньатар тииптээх бастыҥ тэрилтэлэр быраактыкаларын итиэннэ социальнай суолталаах этиилэрин өйүүр сыаллаах “Дом культуры. Новый формат” биэдэмэстибэлээх куонкурус кыайыылаахтарын быһаарда.
Үөрүүлээх дьаһалга, бүгүҥҥү күннээххэ судаарыстыбаннай былаас бары үктэллэригэр, култуура дьиэлэрэ сайдыыларыгар улахан болҕомто уурулларын туһунан, Арассыыйа култууратын министиэристибэтин Баһылыга Ольга Любимова үрдүк сыанаҕа туран эттэ.
“Кырдьыгынан даҕаны, ити барыта уопсай дьыалабыт. Бу кэм иһигэр дойдубут эрэгийиэннэригэр 1 тыһыынча култуура дьиэлэрэ саҥардылыннылар, тутулуннулар, өссө даҕаны 400-кэ култуура дьиэлэрэ былааҥҥа бааллар. Дойдубут ыытар “Культура” нацбырайыагар субъектар сайаапкаларын ыытаннар көхтөөх кыттыыны ылалларыттан, "эбии саҥалыы кыаҕы биэриҥ" диэн көрдөһөллөрүттэн биһиги олуһун үөрэбит”, - диэн кини эбэн эттэ.
Министиэристибэ бэлиэтииринэн, куонкурус иккис төгүлүн ыытыллар, итини таһынан ааспыт сыллаах кыайыылаахтар бэйэлэрин үлэлэрин өссө тупсараннар, саҥалыы форматы киллэрэргэ ылсаллар уонна биллэн туран дьон болҕомтотун тардаллар.
Бу куонкуруска ордук, Дойду тыа сирин култууратын дьиэлэриттэн улахан интэриэс үксээбитин кэпсииллэр – ол курдук былырыын 77 эрэгийиэнтэн 170 сайаапка киирбит эбит буоллаҕына, быйыл 81 эрэгийиэнтэн 180 бырайыак бэриллибит. Куонкурус үс номинациянан, үстүү кыайыылааҕы быһаарда. Бу улахан куонкуруска Чурапчы улууһуттан Айталина Смирникова, Иван Бушков уонна Лена Дьячковская Москваҕа тиийэн кыттыыны ыллылар.
«Проект, реализованный районным или городским культурно-досуговым учреждением клубного типа (муниципальный уровень)» номинацияҕа:
1 место – «AYLGY-TIME», Саха сириттэн Чурапчы улууһун «Айылгы» НАДь ;
2 место – «Лето в парке»,
Челябинскай уобалас «Утёс» сынньалаҥ киинэ;
3 место – «Виноградовское подворье» интерактивнай оҕо паарката, «Центра ремёсел» Иркутскай уобалас Гуранскай сэлиэнньэтэ.
Источнигын сигэтэ: https://xn--80aa7aggbp2b.xn--p1ai/article/32840
