Уһук Илиҥҥи чэпчэтиилээх ипотека бырагырааматынан уопсайа 26 тыһыынчаттан тахса ыал туһаммыт. Бу туһунан ТАСС иһитинэрэр.
«Бүгүҥҥү туругунан «Уһук Илиҥҥи ипотека» судаарыстыбаннай бырагыраама чэрчитинэн уопсайа 102 миллиард солкуобайтан тахса суумалаах кирэдьиит дуогабара баттанна», — диэн иһитиннэриигэ этиллэр.
Бырагыраама чэрчитинэн эдэр ыаллар 6 мөлүйүөн солкуобайга диэри суумалаах 20 сыл болдьохтоох 2 %-наах ипотека кирэдьиитин ылыахтарын сөп.
Чэпчэтиилээх ипотеканы куоракка саҥа тутуллан киирэр дьиэҕэ кыбартыыра, эбэтэр тыа сиригэр иккис ырыынакка кыбартыыра ыларга уонна «Уһук Илиҥҥи гектарга» саҥа дьиэ туттарга туһаныахха сөп.
2 %-наах Уһук Илиҥҥи чэпчэтиилээх ипотеканан эдэр ыал эбэтэр оҕолоох төрөппүт, сааһынан хааччаҕа суох «Уһук Илиҥҥи гектар» туһанааччылара уонна үлэ мобильноһын үрдэтии бырагырааматынан Уһук Илиҥҥэ көһөн кэлбит дьон туһаныахтарын сөп.