Саха сиригэр хамсык көрдөрүүтэ уустугурда. Хоруонанан ыалдьааччы Дьокуускайга уонна улуустарга олус элбээтэ.
Дьокуускай куоракка бүгүн сарсыарда ыалдьааччы ахсаана 126 буолбут этэ, бу туһунан Ольга Балабкина күннээҕи брифинг бириэмэтигэр эппитэ.
«Дьокуускай куорат ыарахан балаһыанньа олохсуйда. Мэдиссиинэ үлэһиттэрин көмөтүгэр киин куорат төрүт олохтоохторо эрэ буолбакка, кылгас кэмҥэ бырапыыскаламмыт уонна олох даҕаны онтуката суох суох дьон наадыйаллар. 152 ыарыһах ыарахан туруктаах, 34 ИВЛ аппараакка сытар», - диэн вице-премьер кэпсиир.
Ольга Балабкина этэринэн, ордук кутталлаах бөлөххө быһыыны ылбатах 60 саастарын ааспыт дьон буолаллар. Суһал ыстаап иһитиннэрэринэн, Саха сиригэр 60 саастарын ааспыт дьоҥҥо быһыыны ылбыт киһи ахсаана 47% ылар.
«Аҕам саастаах дьоҥҥутун уонна дьиэ кэргэҥҥитин харыстыыр сыалтан бука барыгытын быһыыны ыла охсоргутугар ыҥырабыт. 98,5% ыалдьааччы – быһыыны ылбатах дьон. Арассыыйа үрдүнэн бу сыыппара 98% көрдөрөр», - диэн Балабкина мэктиэлиир.
Өрөспүүбүлкэ оройуоннарышар ордук ыарахан көрдөрүү Мэҥэ-Хаҥалас уонна Нам улуустарыгар баар, бу оройуоннарга ыалдьааччы ахсаана дьиэ иһигэр ыалдьыы түмүгэр элбиир. Бу улуустарга, маны таһынан, быһыыны ылыы таһыма биллэ кыра/
Маны таһынан, соччото суох балаһыанньа Таатта, Алдан, Ленскэй уонна Мирнэй оройуоннарыгар бэлиэтэнэр.
«Ыарыы көрдөрүүтэ Бүлүү улууһугар арыый кыччаабыт, тоҕо диэтэргит бу оройуоннарга оройуон дьаһалтата ыаллыы олорор хоту улуустары кытта, тастан киирээччи дьонтон хоруонаны быһаарар тиэстэри булгуччу бары туттарыахтаахтарын туһуна быһаарыыны ылыммыта», - диэн вице-премье этэр.
Санатан этэр буоллаъъа, алтынньы ый 6 күнүнээҕи туругунан, Саха сиригэр хоруонанан ыалдьааччы ахсаана 231 буолбут. ИВЛ аппараакка холбонооччу ахсаана икки күн иһигэр үрдээбит – алтынньы 4 күнүгэр 30 киһи этэ.
