Билигин - ФЛГ уонна олорор сирин поликлиникатыттан ыыппыт хайысхалара сөп оҥоруохтара.
Саха сирин өрөспүүбүлүкэтээҕи офтальмологическай клиническай балыыһа сүрүн бырааһа Иван Луцкан бу иннинэ бырааска бастакы көрдөрүүгэ булгуччу ирдэнэ сылдьыбыт яйцеглист уонна RW анаалыстарын аны ирдээбэт буолуу туһунан укааска илии баттаата. Ол туһунан кини бэйэтин инстаграмм сирэйигэр биллэрдэ.
«Билиҥҥи соҕотох ирдэбил – бу олорор сирин поликлиникатыттан ыыппыт хайысхалара уонна биир сылыттан хойутуу илик ФЛГ » Биһиги ылбыт быһаарыныыбыт бырааска суруйтарар бириэмэни түргэтэтиэ уонна биһиги пациеннарбыт нус-хас сылдьан көрдөрөллөрүгэр тирэх буолуоҕа, балыыһаҕа амбулаторнай көмө таһыма үрдүөҕэ», - диэн суруйар сүрүн быраас.
Ол да буоллар, маныаха бэлиэтээн этэллэринэн, балыыһаҕа ылыы быраабылалара уруккуларынан хаалаллар.