Дьокуускай биир дьахтара полицияҕа кыбартыыратыттан туох баар көмүстэрин уонна 90 тыһ. солк. уордарбытын туһунан тыллаабыт.
Полиция үлэһиттэрэ быһаарбыттарынан, дьахтары 31 саастаах урукку тапталлааҕа халаан тахсыбыт. Кини дьахтар уоппускатыгар муораҕа бараары харчы мунньа сыппытын олус үчүгэйдик билэр эбит. Бииргэ аҕыйах ый олоро түһэн баран, тапталлаахтар этиспиттэр, дьахтар дьээдьэтин "арахсыахха" диэн этэн, кыбартыыратын босхолуурга эппит. "Мин кэлэрбэр дьиэбэр суох буолуохтааххын, малгын барытын хомун" диэн баран барбыт. Ол кэмҥэ уоруйах бэйэтин малын эрэ буолбакка, туох баар көмүс киэргэллэрин уонна ууруна сыппыт харчытын уктан барбыт уонна ону барытын күүлэйдээн кэбиспит.
Эр киһиэхэ Арассыыйа ХК 158 ыст. 2 ч. холуобунай дьыаланы көбүппүттэр. Бу иннинэ уоруйах эмиэ бу ыстатыйаннан сууттана сылдьыбыт эбит.