Хоруона хамсыгын балаһыанньата өрөспүүбүлүкэҕэ өссө да сытыырхайар.
Ааспыт суукка устатыгар эбии 85 киһи сутуллубута биллибит. Ол курдук, киин куораппытыгар 47 киһи ыалдьыбыт, Мииринэй улууһугар – 9, Алдаҥҥа – 7, Аммаҕа уонна Нерюнгрига – 4-түү киһи ыалдьыбыттара бигэргэммит. Үөһээ Бүлүү уонна Өлүөхүмэ улуустарыгар – 3 киһи эбии ыалдьыбыт. Ленскэй, Мэҥэ Хаҥалас уонна Өймөкөөн улуустарыгар – иккилии киһи сутуллубут. Өлөөҥҥө уонна Хаҥаласка – биирдии киһи бигэргэммит. Кинилэри кытары алтыспыт дьон бары булуллан, изоляцияҕа барбыттар. Хомойуох иһин, суукка устатагыра биир киһи ковидтан суорума суолламмыт.
Суһал штаб 65 саастарыттан үөһээ саастаах дьону үлэҕэ таһаарбаттарын өссө төгүл тоһоҕолуур. Кинилэргэ бүллүтүөн арыллыахтаах эбэтэр уоппускаҕа ыытыахтаахтар. Саастаах дьону үлэлэтэр үлэни биэрээччилэр административнай эппиэккэ тардыллыахтара.
Суһал көмөнү ыҥырыы эмискэ улааппыт. Хас биирдии ыҥырыыны кытары үлэлэһээлэр диэн зампред уоскутта. Хас биирдии поликлиникаҕа доруобуйа харыстабылын министиэристибэтэ анал ити лииньийэни үлэлэтэр. 20 оператор үлэлиир, күн устата 25 тыһ. тийэ киһи эрийэр, биир звоногу 30-40 мүн. кэтэһиннэрллэр. Ону туоратарга билигин инновация министиэристибэтэ үлэлэһэр.