Өрөспүүбүлүкэтээҕи перинатальнай киин толору үлэлии турарын туһунан бу күннэргэ суһал ыстаап мунньаҕар зампред Ольга Балабкина кэпсээтэ.
Ол курдук, быйыл киин үлэһиттэрэ тохсунньуттан саҕалаан атырдьах ыйыгар диэри барыта 8 443 дьахтары төрөппүттэр (былырыын баччалартан 100 дьахтарынан элбэх).
Хамсык ыарахан да, төрөөбүт да дьахталлары тумнубатах. 2020 сыл атырдьах ыйыгар диэри өрөспүүбүлүкэҕэ барыта 84 төрөөбүт, 156 хат уонна 9 оҕотун түһэртэрбит дьахтар хоруона вируһунан ыалдьа сылдьыбыт.
“Перинатальнай киин инфекционнай палаталара аныгы тэрилинэн-аппараатынан хааччыллан тураллар. Онон “ыарыһахтар-өлүөрдэр” диэн араарар кыах толору баар. Ыалдьыбатах, ыарыыга сыстыбатах дьахталларга туох да суоһаабат, бары усулуобуйа тэриллибитэ”, – диир Ольга Балабкина.
Дьолго, ким да тыына быстыбатах.