РФ премьер-миниистирэ Дмитрий Медведев дойду Үпкэ уонна Тыа хаһаайыстыбаларын министиэристибэлэригэр тыа хаһаайыстыбатын өйүүр пуондаттан 7 млрд солк. аныыр туһунан бырайыагы бэлэмнииллэригэр сорудахтаата.
Бу үбү судаарыстыбаннай бырагыраамалары олоххо киллэрии тэрээһиннэригэр ыытарга суоттаналлар. Итинтэн 5 млрд солкуобайа АПК эбийиэктэрин тутууга уонна тупсарыыга тахсыбыт ночоот кэккэ өлүүскэтин сабыныыга бэриллэр субсидияҕа ананыахтаах. Билиҥҥитэ дойду үрдүнэн хапытаалынай ночооту сабыыга баара эрэ 100 мөл. көрүү киирэ сылдьар.
Ону тэҥэ Үп, ТХМ уонна Экэнэмиичэскэй сайдыы министиэристибэлэрэ быйылгы сылга судаарыстыбаннай бырагырааманы толорууга федеральнай бүддьүөккэ уларытыыны киллэрэн туран, эбии 30 млрд көрүллэрин ситиһэр сорудахтаннылар.
Судаарыстыба өйөбүлэ 2017 сыллааҕы таһымтан түһүө суохтаах диэн буолла. Чуолаан үүт хайысхалаах сүөһүттэн бородууксуйаны ылыыны үрдэтиигэ, страховка дуогабарынан көрсүллэр ночоот кэккэ өлүүскэтин сабыыга уонна тыа хаһаайыстыбатын тиэхиньикэтин оҥорооччуларга көрүллэр субсидияҕа.
Ону тэҥэ АПК үрдүк технологияҕа инвестициялаах бырайыактарын бырамыысыланнаһы сайыннарыы Пуондатын суотугар өйүүр туһунан кэпсэтии барар.