Хамнас үрдээтэ
02_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copyБэрт соторутааҥҥа диэри Саха сиринээҕи бүддьүөт эйгэтигэр үлэлиир 13 800-чэ киһи тииһинэн олоруу алын кээмэйиттэн (прожиточный минимум) кыра хамнаһы аахсаллара. 2014 сыл т...
Биэнсийэ туһунан
74_copy_copy_copy_copy_copy_copyКэнники сүүрбэ сыл устата дойдубут экэниэмикэтэ сатаан сааһыламматаҕын түмүгэр, киһи күннээҕи аһыгар-таҥаһыгар тиийэр биэнсийэ тиһигэ эмиэ кыайан оҥоһуллубата. Ол иһин, би...
Сүрүн сирэй Олох Криминал Суут-сокуон бандьыыттары көмүскүүр?

Сонуннар

Олунньу 13 күнэ – Төрөөбүт тыл уонна сурук-бичик күнэ!
28-12-2015 17-08 | Көрдүлэр: 8136
Төрөөбүт тыл уонна сурук-бичик күнүн көрсө, олунньу 13 күнүттэн 21 күнүгэр диэри Саха сирин тө...
Саҥа сокуон инбэлииттэри көмүскүө
28-12-2015 16-54 | Көрдүлэр: 4605
Ил Түмэн ХХ уочараттаах пленарнай мунньаҕар дьокутааттар А.Корякин уонна А.Атласова инбэлиит д...
Максим Аммосов сырдык кэриэһигэр
28-12-2015 16-37 | Көрдүлэр: 4837
“Ахсынньы 22 күнэ – саха норуотун устуоруйатыгар бэлиэ күн. Бу күн, 1897 сыллаахха саха судаар...
Тупсарыы сыл
28-12-2015 16-31 | Көрдүлэр: 19922
2016 сылы Саха Өрөспүүбүлүкэтигэр «Нэһилиэнньэлээх пууннары тупсарыы сылынан биллэрэр туһунан”...
"Мандар ааҕыыларын" түмүктэриттэн
21-12-2015 17-38 | Көрдүлэр: 4337
Кэмпириэнсийэ пленарнай мунньаҕар тыл эппит салалта, учуонай эйгэ ытык дьоно, ыалдьыттар бука ...
Кыайыыны уhансыбыттар
12-11-2015 17-53 | Көрдүлэр: 5190
"КЫЫМ" норуот хаhыата уонна "Будь в курсе" информационнай мобильнай сыһыарыы көҕүлээһиннэр...
ИЯКН дириэктэрэ Г.Г.Торотоев
12-11-2015 17-48 | Көрдүлэр: 4383
М.К.Аммосов аатынан ХИФУ РФ хотугу норуоттарын тылларын уонна култууратын µ³рэтэр Институуту...
Сир сокуонун тула
12-11-2015 17-47 | Көрдүлэр: 5575
Сэтинньи 3 кµнµгэр Сунтаар Устьетыгар улуус Нэ´илиэктэрин ба´ылыктарын сэбиэтэ мустан, 2016 сы...
Тэрилтэлэр, урбаанньыттар бол±ойу²
12-11-2015 17-36 | Көрдүлэр: 4173
Нолуогу судургутуллубут систиэмэнэн (упрощенная система налогооблажения) т³лµ³н ба±арар, ол гы...
Ас-үөл сыанатынан үһүс миэстэлээхпит
08-10-2015 15-36 | Көрдүлэр: 3978
Тыыннаах сылдьарга сиэнэрэ булгуччулаах ыйдааҕы ас дьоҕус нобуора диэн өйдөбүл баар. Нууччалыы...
Петр Наумовы – “Я – гражданин” аакка!
08-10-2015 15-33 | Көрдүлэр: 2886
Хараҕынан бастакы курууппалаах инбэлиит, 65-с хаарын санныгар түһэрбит, Кыайыы 70 сылыгар анаа...
Муостабыт дьылҕата – Кытай инвестордарын илиитигэр?
08-10-2015 15-32 | Көрдүлэр: 3007
Өлүөнэни туоруур муоста дьэндэйэрин кэтэһээччи элбэх. Соторутааҕыта Санкт-Петербурга Росавтодо...
Сочига Арктиканы кэпсэтэллэр
08-10-2015 15-20 | Көрдүлэр: 2896
Сочига, бу дьыл алтынньы 5 к., Арктиканы сайыннарыы боппуруоһунан дьарыктанар судаарыстыба хам...
Өссө 10 оскуола
03-09-2015 20-11 | Көрдүлэр: 2968
СӨ Үөрэххэ министиэристибэтин тиһэх чахчыларыттан көрдөххө, күн бүгүн өрөспүбүлүкэ үрдүнэн уоп...
“Сибиир күүһэ” бигэргэннэ
03-09-2015 20-03 | Көрдүлэр: 2910
Бу күннэргэ премьер Д.Медведев “илин диэки” тардыллар гаас ситимин (ол иһигэр “Сибиир күүһүн”)...
* Бесплатно для абонентов СТК по всей РС(Я), (кроме ТП "Фристайл")

Суут-сокуон бандьыыттары көмүскүүр?

15.05.2013 16:51 | Автор: Туйаара Сиккиэр | Көрдүлэр: 3056   
Печать

86553Таатталар ааспыт сайын отторо үүммэккэ, устар кыһыны быһа улуустартан от бэриһиннэрэн, нэһиилэ ыар кыстыгы туораатылар диэххэ сөп. Ол курдук, уус алданнар быйыл тохсунньуга икки “КамАЗ” массыынанан Таатта Чымынаайытыгар от тиэйэн биэрбиттэр. Массыыналаахтар отторун этэҥҥэ тиэрдэрин тиэрдибиттэр эрээри, хомойуох иһин, биир суоппар дьиэтигэр тыыннаах төннүбэтэх. Аара суолга хара санаалаахтар саба түһэннэр “КамАЗ” суоппарын кырбаан, быһаҕынан тирээн туран массыынатын былдьаан, бэйэтин өлөр өлүүгэ тиэрдибиттэр. Сити курдук түөрт оҕолоох Терентий Васильев, үтүө дьыаланы оҥоруом этэ диэн, хомолтолоохтук сырдык тыынын былдьаппыт.

Оттон киһи тыыныгар турбут хара санаалаахтарга холуобунай дьыала “буруй састааба суоҕунан” сабыллыбыт. Быһата, сууппут-сокуоммут эмиэ сымнаан биэрбит.

Чымынаайы суолугар -- бандьыыттар

Үөһэ этиллибитин курдук, Уус Алдан суоппардара Терентий Васильев, куруусчут Михаил Егоров, иккис суоппар Юрий Орлов икки “КамАЗ” массыынанан Таатта Чымынаайытыгар от тиэйбиттэр. Орлов массыыната инникилээн испит. Отторун этэҥҥэ сүөкээн, дьиэлэригэр төннөөрү, Чымынаайы уонна Харбалаах сэлиэнньэлэрин икки ардыгар айаннаан истэхтэринэ, эмискэ бырысыаптарыгар туох эрэ кэлэн саайыллар. Сонно тута түһэн массыыналарын кэннин көрөллөр. Ол туран кэннилэригэр үөхсэр, маатыралыыр саҥаны истэллэр. Бырысыапка массыына таарыллыбыт быһыылаах диэн ыксаан, ол үөхсүү хоту бараллар. Кинилэри утары икки итирик уол кэлбиттэр. Казарин (бааһынай уол) тута: “Суоппар кимий?” -- диэн Егоровка ынан кэлбит. Уолаттар уордайбыттара тута харахха быраҕыллар эбит. Егоров куттанан: “Мин буолбатах”, -- диэбит. Ол икки ардыгар көрбүтэ, иккиһэ (Тарасов) Васильевы суулларан түһэрэн баран сутуругунан охсуолаабыт. Бааһынайа онто да суох кырбана сылдьар суоппары тиийэн, үлтү тэбиэлээн киирэн барар. Иккиһэ тохтоон баран: “Массыынабытын баран көрдөрүөх”, -- диэбит уонна бары массыынаҕа тиийбиттэр. “Тойота-Королла” мааркалаах массыына иннинээҕи бампера алдьанан турар эбит. Иккис уол “уолаттарга субуоннуохха” дии-дии, массыынатын иһиттэн төлөпүөнүн көрдөөбүт. Ол кэмҥэ Васильев уолуйан, ыксаан киһитигэр: “Массыынабытыгар бардыбыт, куоттубут”, -- диэбит. Иккиэн сэрэнэн, массыыналарын диэки сыҕарыйан кэбиинэҕэ киирбиттэр. Егоров кыл мүччү аанын сапта охсубут, оттон суоппар кыайан саптыбакка хаалбыт. Бааһынай уол эккирэтэн кэлэн, массыына ааныттан тардыһан, үөһэ ыттан туран маатыралыы-маатыралыы, суоппары охсуталаан киирэн барбыт. Иккис уол сүүрэн кэлэн пассажир өттүнэн киирэ сатаабыт. Онтон суоппар өттүнэн барбыт. Васильевы соннук иккиэн куолаан сутуруктарынан төбөҕө охсуталаабыттар. Суоппар уруулга умса түспүтүн кэннэ биирэ кэбиинэҕэ киирэн олорунан кэбиспит. Васильев төлөпүөнүттэн: “Массыынабытын алдьаттылар, бэйэлэрин тутан олоробут”, -- диэн кимнээххэ эрэ субуоннаабыттар. Бааһынайа уруулу былдьаспытын Васильев биэримээри утарыласпыт. Онуоха били хара санаалаах массыына иннинээҕи панелыгар сытар муос уктаах куукуна быһаҕынан тирээн туран: “Уруулу аҕал, туораа, өлөрөн кэбиһиэм”, -- диэт, анньардыы дугдуруҥнаабыт. Иккиһэ бааһынайыгар көмөлөһөн суоппары бэйэтин нөҥүө тардан ылан уруулу былдьаабыттар. “Массыынаҕытын былдьаатыбыт, эһиги биһиэхэ иэстээххит, эһиги олоххутун билигин биһиги быһаарабыт”, -- диэн бардьыгынаабыттар, хаһыытаабыттар. Орлов массыыната кинилэри күүтэн аара 150 м курдук тэйиччи тохтоон турарын чуут таарыйа сыһан, көтүтэн ааспыттар. Орлов соһуйан хаалан: “Туох буоллугут?” -- диэн Васильевка субуоннаан ыйыппыт. Төлөпүөнү анараа киһи былдьаан ылан: “Напарнигыҥ массыынабытын алдьатан косякка киирдэ, разборкаҕа илдьэн иһэбит”, -- диэн баран, арааран кэбиспит. Васильев ыксаан, киһитигэр: “Бу бандьыыттар илдьэн өлөрөр буоллулар быһыылаах, ыстаныахха”, -- диэбит. Орлов массыынатын ааһаат, Егоров баран иһэр массыынаттан ыстанан кэбиспит. Иккис массыынаҕа тиийэн, туох буолбутун барытын кэпсээн биэрбит. Орлов Ытык Күөлгэ баар аймахтарыгар субуоннаан: “Полицияҕа тыллааҥ”, -- диэбит. Онуоха полициялар: “Сырсымаҥ, биһиги утары бардыбыт”, -- диэбиттэр. Орловтаах бастакы массыына кэнниттэн айаннаан иһэн суолга туох эрэ сытарын көрбүттэрэ, Васильев аҥаар этэрбэһэ буолан биэрбит.

Полициялар хара санаалаахтар былдьаабыт массыыналара буксуйан турдаҕына түбэһиннэрэ тиийэн кэлбиттэр. Оттон Васильев өлүгүн бырысыап иккис-үһүс көлөһөлөрүгэр сиэҕиттэн иилистэ сылдьарын булбуттар.

 

Аккаас! Тоҕо?

Суут-медицина эспэртиисэтэ быһаарбытынан, Васильев массыына анныгар киирэн биэрэн өлбүт. Ойоҕоһун, түөһүн уҥуоҕа хас даҕаны сиринэн тостубут. Бастаан утаа, бу икки киһиэхэ РФ ХК 105, 109, 126 ыст., 3 ч., 127 ыст., 3 ч. буруйдаан холуобунай дьыала көбүппүттэр. Ол кэннэ, тоҕо эбитэ буолла, силиэдэбэтэллэрбит эргийэн кэбиспиттэр. “Васильев Егоров кэнниттэн ыстанан иһэн, бэйэтэ (!) сыыһа-халты туттан маассыына көлөһөтүгэр киирэн биэрбит”, -- диэн биэрсийэни тутуспуттар. Онон бу дьоммут олох даҕаны өлүүгэ кыттыгаһа суох, быһата, өлөрбөтөх буолан тахсаллар. Маны сэргэ, били кырбаабыттара, сааммыттара, күүстэринэн илдьэ барбыттара – барыта олоччу сотуллан хаалбыт. Дьэ, киһи сөҕөр... Инньэ гынан “буруй састааба суох” диэн матыыптаан, олунньу 24 күнүгэр дьыаланы көбүппүттэрин аккаастаан кэбиһэллэр.

Били хара санаалаахтар Васильевы, баҕар, олох даҕаны соруйан массыынаттан анньыбыттара буолуо. Ону ким даҕаны көрөн турбатах. Силиэдэбэтэл сыччах буруйдаахтар биэрбит көрдөрүүлэриттэн ылан маннык биэрсийэни тутуспут.

Санаан көрүҥ, ыстана соруммут киһи көлөһөттөн тэйиччи ыстаныан сөп этэ. Ону баара, кини ким эрэ көмөтүнэн көлөһө анныгар түспүт буолуон сөп. Кэбиинэ иһигэр баар дьон анньыбыттар диэххэ эмиэ сөп. Бу -- бастакытынан. Эбэтэр, иккиһинэн, ыстанан эрдэҕинэ, тутаары анньыбыт буолуохтарын сөп. Ол туохтан көстөрүй?! Өскө Васильев, ити этэллэрин курдук, бэйэтэ ыстанан кэбиспитэ буоллар, били дьон сонно массыынаны тохтотон кэнниттэн эккирэтиэ этилэр. Суох, кинилэр наадыйбакка бара турбуттар. Оччотугар бэйэлэрэ соруйан анньыбыт буолуохтарын сөп. Ол иһин киһи дэҥнэммитин да билбэккэ салгыы айанната турдахтара.

Кулун тутар 5 күнүгэр өлбүт киһи кэргэнэ эмсэҕэлээччи Васильева албакаатын кытары Уус Алданнааҕы суукка үҥсүү түһэрэллэр. Өйүүнүгэр били дьоҥҥо хаттаан, ол гынан баран ыстатыйата букатын уларыйан, РФ ХК 166 ыст. 4 ч. холуобунай дьыала көбүтүллэр. Көннөрү “күүс өттүнэн массыынаны уоруу” диэн ыстатыйаҕа уларытан, сымнатан биэрбиттэр.

Муус устар 5 күнүгэр Уус Алдаҥҥа суут мунньаҕа буолар. Таатта улууһун борокуруорун эбээһинэһин толорон олорор Сивцев уонна Чурапчы оройуонун СУ СК начаалынньыгын солбуйааччы Винокуров үҥсүүнү утаран тыл-өс бөҕө буолбуттар. Эмсэҕэлээччи уонна кини бэрэстэбиитэлэ, биллэн турар, маннык сирэй көрбөх сыһыаны кытары сөбүлэспэттэрин биллэрбиттэр. Судьуйа Ксенофонтов икки өрүтү иккиэннэрин истэн баран, үҥсүүгэ аккаастыыр туһунан уураах таһаарар.

Муус устар 8 күнүгэр эмсэҕэлээччи өттүттэн ыар буруйу оҥорбут хара санаалаахтар көҥүлгэ сылдьалларын утаран Тааттатааҕы ИДьО начаалынньыгын солбуйааччтын Егоров аатыгар хадатаайыстыба түһэрэллэр да... Эмиэ аккаастыыллар. Дьиҥэ, РФ ХК 166 ыст. 4 ч. буруйдаммыт дьон 12 сылга диэри хаайыллыахтарын да сөп эбит.

 

Кырдьык, кыһыылаах дьыала

 

Силиэстийэлиир уорган үлэһиттэрэ Казариннаах Тарасовы “өлөрөр санаалара суох этэ” дииллэр. Оччоҕо тоҕо бэйэлэрэ сэрэҕэ суохтарыттан бырысыапка таарыйан баран, туох да буруйа суох дьону быһаҕынан тирээн туран күүстэринэн, билбэт сирдэринэн илдьэ бараллар?! Дьэ, полицияларбыт бу сырыыга эмиэ, тоҕо эбитэ буолла, сыалыһар быарыныы сымнаан биэрбиттэр.

Санаан да көрдөххө, кыһыылаах буолбатах дуо?! От тиэйэр улахан бырысыаптаах массыына кэнниттэн сэрэҕэ суох айаннаан иһэн, бэйэлэрэ итирик туруктаах буолан таарыйаллар уонна өссө эбиитин суоппары кырбыыллар, “өлөрүөхпүт” диэн сааналлар, куттууллар, массыынаны, суоппары бэйэтин күүстэринэн илдьэ бараллар уонна бүтэһигэр өлөрүүгэ тиэрдэллэр. Көрөргүт курдук, бу дьон дьайыыларыгар алта улахан буруй баар. Ама, бу ыар буруй буолуо суоҕа дуу?! Ама, бу бандьыыттааһын аатырбат үһү дуо?!

Өскө бу хара санаалаахтар итирик туруктаах массыына ыыта сылдьыбатахтара, улахан массыынаттан сэрэммиттэрэ, таатталарга үөрэ-көтө от тиэйэн испит дьону тыыппатахтара, кырбаабатахтара, өлөрөөрү саамматахтара, массыыналарын уонна суоппары күүстэринэн илдьэ барбатахтара буоллар – маннык ыар быһылаан тахсыа суох этэ. Терентий Васильев этэҥҥэ кэргэнигэр, түөрт оҕотугар төннүөхтээх этэ. Ону баара, хомойуох иһин, бу хара санаалаах дьон тустарыттан барыта хомолтолоохтук эргийбит.

 

Оччотугар...

Күндү ааҕааччылар, суут-сокуон эйгэтигэр хайдах курдук кэрээнэ суох быһыы-майгы тахсыбытын бары мантан ааҕан биллигит. ИДьМ салалтата, Силиэстийэлиир кэмитиэт бу дьыаланы үчүгэйдик көрөн, сиэрдээх силиэстийэҕэ ыытан буруйдаахтары эппиэккэ тардыахтарын наада. Санаан көрүҥ, Васильевтаах арыгылыы да, күүлэйдии да сылдьыбыт дьон буолбатахтар. Төттөрүтүн, таатталарга үтүө дьыаланы оҥорон, от тиэйэн көмөлөһө сылдьыбыт дьон! Терентий Васильев арыгылыы сылдьыбыт хара санаалаах дьон илиилэриттэн маннык сидьиҥник өлөн хаалара, буруйдаахтар биллэллэрин үрдүнэн силиэстийэлиир уорган дьыаланы сабан кэбиспитэ хайдах даҕаны өйдөммөт. Оччотугар, суут-сокуон арыгыһыттары, бандьыыттары көмүскүүр, оттон үлэһит, чиэһинэй дьону атаҕастыыр буолбатах дуо?!



Доҕоттор кэпсээ

Гороскоп

01_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy

2014 сыл гороскоба

Доруобуйа, күүс-кыах да тупсар сыла иһэр. Үтүө дьайыылаах уларыйыы тахсар сибикитэ улахан. Урукку сылларга холоотоххо, ыарахан таһаҕаһы бырахпыт курдук…

RSS-Лента