Дойду бэрэсидьиэнэ Владимир Путин Илиҥҥи экэнэмиичэскэй форум кэмигэр Уһук Илин сайдыытыгар сыһыаннаан маннык санаалары эттэ.
Кини этэринэн, Арктика дойду территориятын 18-с бырыһыанын ылар, онно сир баайын аан дойду саппааһа хараллан сытар, онуоха хаһаайынныы, суоттаан-учуоттаан сыһыаннаһыахха наадатын этэр. Кини Арассыыйа экэниэмикэтэ чөлүгэр түһн иһэрин, урукку холугар киирбитин этэр. Путин Уһук Илиҥҥэ капиталы уонна экэниэмикэни тардар киини тэрийэр уолдьаспытын, гражданнарга уонна биисинэскэ сайдар кыаҕы оҥоруохха наадатын этэр. Арассыыйа АТР дойдуларын кытары хардарыта үлэлэһэргэ толору бэлэмнээҕин биллэрэр.
Курил арыыларыгар хаһан да буолбатах 10 сылга дылы нолуок чэпчэтиилэрэ киирэллэрин биллэрдэ. Уһук Илиҥҥэ тутуу матырыйаала олох тиийбэтин, онуоха эрэгийиэннэргэ тутуу матырыйаалын бэйэлэр оҥорон таһааралларыгар кыах бэриллиэхтээҕин тоһоҕолоото. Маны таһынан, кини Уһук Илиҥҥэ доруобуйа харыстабылыгар ыытыллар ороскуоттар улаатыахтаахтарын эттэ.