Ааспыт суукка устатыгар Саха сиригэр эбии 195 киһи коронавирустаабыта бигэргэммит. Бу туһунан эрэгийиэннээҕи доруобуйа харыстабылын миниистирэ Елена Борисова брифинг кэмигэр кэпсээтэ.
Кини кэпсээбитинэн, Дьокуускайга 110 киһи ыалдьыбыт, Бүлүүгэ – 11, Мэҥэ Хаҥаласка – 10, Алдаҥҥа – 8, Нерюнгрига – 7 киһи ыалдьыбыттара биллибит. Маны таһынан, өрөспүүбүлүкэ 19 улууһугар биирдиилээн ыарыһаҕы бигэргэппиттэр.
Хомойуох иһин, ааспыт суукка устатыгар 2 киһи суорума суолламмыт.
Елена Борисова эппитинэн, хамсык саҕаланыаҕыттан ыалдыбыт дьонтон 56 бырыһыаннара үтүөрэн тахсыбыттар. Билигин Саха сиригэр 2868 куойка тардылыбыт, онтубут 68,9 бырыһыан туолбут.