“Орто Дойду” зоопарка олохтоохторо Халымаана уонна Ломоносов иккиһин оҕоломмуттар. Ол туһунан news.ykt.ru саайтка зоопарка дириэктэрэ Лука Сафонов иһитиннэрбит.
Билигин Халымаана сабыылаах вольерга сытар, 2016 сыллаахха курдук кинини видеокамера нөҥүө кэтииллэр.
Ахсынньы 17 күнүгэр эһэ оҕотун көрбүттэр. Билигин кинилэр туруктара үчүгэй. Кулун тутар бүтүүтэ эбэтэр муус устар саҕаланыыта Халымаана оҕотун кытта таһырдьа тахсыахтара. Онно оҕо тыһы, атыыр буолара биллиэҕэ. Эһэ оҕотун улааттаҕына атын зоопаркаҕа ыытыахтара.
“Үрүҥ эһэлэр вольердара икки эһэҕэ аналлаах. Саҥаны тутуу былааҥҥа суох. Тоҕо диэтэххэ, тыатааҕыларга улахан вольер тутаары сылдьабыт. Ол иһин, эһэ оҕото атын зоопаркаҕа барар. Ону Арассыыйа зоопаркаларын уонна аквариумнарын ассоциациятын куратора быһаарар”, – диэн “Орто дойду” зоопарка дириэктэрэ кэпсиир.