Соторутааҕыта Зеленоград куоракка Арассыыйаҕа бастыыр иһин чөмпүйэнээттэн инбэлиит оҕолорбут өлгөм мэтээллээх кэллилэр.
Ол туһунан тириэньэрдэрэ, гроссмейстер Петр Ушницкай маннык кэпсээтэ:
– Дуобакка мөлтөхтүк истэр оҕолорго дойду чөмпүйэнээтэ түмүктэннэ. Хамаандабыт эрэллээхтик бастаата. Нуучча дуобатыгар Саша Ефимов, Сайыына Юнчанова чөмпүйүөн буоллулар. Ганя иванов, джулиана Андреева иккис миэстэлэннилэр.
Сүүс харахтаах дуобакка С.Ефимов, Д.Андреева бастаатылар, С.Юнчанова – иккис, оттон Г.Иванов үһүс буоллулар. Оҕолорум маладьыастар. Ол эрээри айаҥҥа-сырыыга көмөлөспүт дьоммутугар – Ил Түмэн дьокутаата А.И. Корякиҥҥа, дириэктэрбит Т.Ф. Мартыноваҕа, Адаптивнай успуорт тэрилтэтин кэлэктиибигэр улаханнык махтанабын.
Уопуттаах тириэньэр мэлдьи өлгөм мэтээллээх кэлэн үөрдэр.
П.П. Ушницкайга «СӨ үтүөлээх тириэньэрэ» ааты иҥэрэр тоҕо кыаллыбат баҕайытай?
Геннадий ГУРЬЕВ, успуорт маастара.