ВЭБ.РФ Арассыыйа сайдыыга корпорацията уонна Уһук Илин сайдыытын Пуондата (ФРДВ) Илиҥҥи экэниэмикэ форумугар Саха сирин бырабыыталыстыбатын кытары 1,4 млрд солк. суумалаах Дьокуускай аэропордун саҥалыы уларытан оҥорууга инвесбырайыагы бииргэ үлэлэһэн олоххо киллэрэргэ меморандуму баттастылар. Бу туһунан ВЭФ пресс-сулууспата иһитиннэрэр.
“Инфраструктураны үбүлээһин, ол иһигэр бөдөҥ аэропортары тутуу уонна саҥардан оҥоруу – ВЭБ.РФ биир сүрүн соруга. Аэропорт бырайыага түмүктэммитин кэннэ, аэропорт саҥа таһымҥа тахсыаҕа: норуоттар икки ардыларынааҕы эриэйсэлэр элбэиэхтэрэ уонна саҥа авиахампаанньалар кэлиэхтэрэ” , — диир ВЭБ.РФ бэрэссэдээтэлин бастакы солбуйааччы Николай Цехомскай.
Аэропорт норуоттар икки ардыларынааҕы терминалын саҥардан оҥоруу 2021 сылга түмүктэниэҕэ, ол кэннэ пассажирдар ааһыылара 30 тыһ. 100 тыһ. тиийиэҕэ.
“Билигин үлэлии турар терминал үйэ чиэппэрин анараа өттүгэр тутуллубута. Ол иһин саҕа ирдэбиллэргэ эппиэттэспэт. Ол гынан баран, Дьокуускай аэропорда стратегическай суолталаах. Ордук Уһук Илин, Сибиир эрэгийиэннэрин АТР дойдуларын кытары холбуурунан. Ол иһин Азия инвестордара манна интэриэстэрэ улахан. Маны таһынан, саҥардыллыбыт аэропорт эрэгийиэҥҥэ биисинэс, туризм сайдыытыгар төһүү буолуоҕа” , — диэн ФРДВ генеральнай дириэктэрэ Алексей Чекунков тоһоҕолоото.