Орто Халымаҕа цифровой киинэ тыйаатыра аһыллыа. 3000 элбэх нэһилиэнньэлээх оройуоннарга түөрт киинэ тыйаатырын арыйарга киинэ пуондата 20 мөл солк көрөр.
Орто Халыма улууһа саҥатытан оҥорууга 5 мөл солк диэри үбү ылыаҕа. Бу төннөрүллүбэт үп буолар. “Кулума” диэн киин дириэктэрэ Анастасии Павлюк этэринэн куоҥкуруска 2015 сылтан кытталлар.
“Ол саҕана өссө тустаах докумуоннарбыт тиийбэт этилэр. Ону таһынан, нолуокка иэстээх этибит. Быйыл өрөспүүбүлүкэтээҕи киинэ ситимин исписэлииһэ Ньургун Иванов көмөтүнэн, куоҥкуруска докумуоннары толору хомуйан ыыппыппыт. Бэс ыйын 7 күнүгэр киинэ пуондата түмүгү бллэрбитэ. Сүүмэрдээһини 204 киинэ саала ааспыта. 3000 элбэх нэһилиэнньэлээх оройуоннарга түөрт киинэ тыйаатырын арыйарга киинэ пуондата 20 мөл солк көрбүтэ. Биһиги улууспут бу испииһэккэ киирэн саҥатытан оҥорууга 5 мөл солк диэри үп ылар буолла. Бу төннөрүллүбэт үп буолар”, – диэн Анастасии Павлюк кэпсиир.
Орто Халымаҕа уонна Баатаҕайга саҥа цифровой киинэ тыйаатырдара аһыллыахтара. Оттон Бэрдьигэстээххэ уонна Бүлүүгэ баар киинэ тыйаатырдара саҥа тэрилинэн хааччыллыахтара.
ulus.media