Бүгүн РФ уопсай үөрэхтээһинин бочуоттаах үлэһитэ, Саха сирин норуотун хаһаайыстыбатын үтүөлээх үлэһитэ, Саха сирин Учууталларын учуутала, Уус Алдан уонна Өймөкөөн улустарын бочуоттаах олохтооҕо, Гос Дума 1-кы ыҥырыылаах мунньаҕын дьокутаата, Ил Түмэн 2-с,4-с,5-с ыҥырыылаах мунньаҕын дьокутаата, саха саарына Егор Петрович Жирков 65 сааһын туолар. Егор Петрович үбүлүөйдээх өрөгөйүнэн “Ситим”медиа-бөлөх аатыттан ис-сүрэхпититтэн эҕэрдэлиибит уонна ытыктыыр киһибитигэр кытаанах доруобуйаны, дьолу-соргуну, ситиһиилэри баҕарабыт!
Егор Петрович Жирков олоҕун оҥкула:
-
1954 с. Уус Алдан улууһун Байаҕантай нэһилиэгэр Тандаҕа төрөөбүтэ.
-
1971 с. Уус-Алдан Мүрү орто оскуолатын бүтэрбитэ.
-
1976 с. СГУ физико-математическай факультетын бүтэрбитэ.
-
1978—1982 сс. учууталлар идэлэрин үрдэтэр институт (ЯРИУУ) методиһа.
-
1982—1985 сс. Москубаҕа ССРС педагогическай наукаларын академиятыгар математиканы чинчийэр институт аспирана.
-
1985—1990 сс. СГУ математиканы үөрэтиигэ методика кафедратын преподавателэ, сэбиэдиссэйэ.
-
1990—1991 сс. Саха Өрөспүүбүлүкэтин үөрэҕин миниистирин солбуйааччы.
-
1992—1994 сс. Саха Өрөспүүбүлүкэтин үөрэҕин миниистирэ.
-
1990—1992 сс. Саха Өрөспүүбүлүкэтин конституционнай хамыыһыйатын анал бөлөҕүн салайааччы.
-
1994—1996 сс. Арассыыйа Государственнай Дууматын дьокутаата.
-
1996 с. Бэрэсидьиэн бырагырааматын олоххо киллэрии Департаменын салайааччы.
-
1997—2002 сс. Ил Түмэн дьокутаата
-
1997—1998 сс. «Сахазолото» ФПК дириэктэрин солбуйааччы.
-
1998—1999 сс. Өрөспүүбүлүкэ Бэрэсидьиэнин Дьаһалтатын салайааччы.
-
1999—2000 сылларга Москубаҕа Арассыыйа Бэрэсидьиэнигэр Саха Өрөспүүбүлүкэтин бастайааннай бэрэстэбиитэлэ.
-
2000 сс. «Сарыылаах-Сурьма» хайа-промышленнай тэрилтэ генеральнай дириэктэрэ.
-
2008 с. – “РИК” дириэктэрин солбуйааччы
-
1985 с. Педагогика билимин канидата. 1993 с. педагогика билимин доктора.