Бырабыыталыстыба иһинэн нолуок хамыыһыйата Арктика зонатын олохтоохторун тырааныспар нолуогуттан босхолуур сокуон барылын бигэргэттэ. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
Арктика зонатыгар киирсэр улуус олохтоохторун тырааныспар нолуогуттан номнуо бу сылтан олуччу босхолуур туһунан сокуоҥҥа этиллэр. Нолуоктан босхолонуу хаһааҥҥы диэри буолуоҕун туһунан сокуон барылыгар ыйыллыбат. Маннык чэпчэтии Арктика улуустарыгар олорор 8,3 тыһ. көлө хаһаайынын хаарыйыаҕа. Инньэ гынан, бу улуус олохтоохторо 30 мөл. солк. нолуоктан босхолоно түһүөхтэрэ. Маннык нолуок чэпэчтиитин сүрүн сыала – онто да суох ыарахан усулуобуйаҕа олорор улуус олоҕун чэпчэтии, нэһилиэнньэ ахсаанын тутан хаалыы уонна үрдэтии буолар.
Сокуон барылын өрөспүүбүлүкэ муниципальнай тэриллиилэрин Сэбиэтин VIII сугулаанын түмүгүнэн, Ил Дархан сорудаҕынан оҥорбуттара.