Олунньу 8-с күнэ буолар түүнүгэр Ньурба улууһугар Маалыкайдааҕы  пуочта дьиэтин халаатылар. Халабырдьыттар түүнү бүрүттэрэн, тэрилтэ дьиэтин алдьатан киирбиттэр уонна икки мөлүйүөнтэн тахса суумалаах харчыны кыбынан тахсыбыттар. Билигин Маалыкайга улахан силиэстийэ бара сылдьар. Силиэстийэ бастакы хардыыларын кэннэ, пуочта бэйэтин үлэтин тута саҕалыахтаах. Нэһилиэнньэ олохтоохторугар пуочта өҥөтүн бары көрүҥэ харгыстаммакка оҥоһуллуо диэн пуочта үлэһиттэрэ эрэннэрэллэр.

Кэлиҥҥи кэмҥэ Саха сиригэр баан пластик хаартатын бас билээччилэри төлөпүөн нөҥүө албынныыр түбэлтэлэрэ элбээбит. Элбэх үҥсүү киирэр эбит, онон ИДьМ билигин бэрэбиэркэ ыыта сылдьар диэн СИА суруйар.

Массыанньыктар: «Ваша карта блокирована. СРОЧНО позвоните на телефон...», – диэн СМС-иһитиннэрии ыыталлар. Онно эрийдэххэ, баан үлэһитэбин дэнэллэр, атын дьон харчы уста сатаабыт буолан, эн хаартаҥ сабыллыбытын туһунан этэллэр.

СӨ ОДьКХ миниистиринэн үлэлээбит Александр Антоненко холуобунай дьыалата силиэстийэлэнэн бүттэ. Санаттахха, Антоненко миниистиринэн үлэлии сылдьан бэйэтин тус наадатыгар бэркэ диэн «кыһаллан» үлэлээбит. Ол курдук, ыарахан сыаналаах «Тойота-Ланд-Крузер-100», «Тойота-Ланд-Крузер-Прадо», «Фольксваген-Туарег» массыыналары «атахтарын-бастарын» билэн туран  туһаммыт.

Ахсынньы 9 күнэ — аан дойдутааҕы Хоруупсуйаны утарар күн. Оннук диэн биллэрбиттэрэ. СӨ Бэрэсидьиэнин иһинэн хоруупсуйаны утарар сэбиэт, СӨ Силиэстийэлиир кэмитиэтин уопсастыбаннай сэбиэтэ уонна “Билии” уопсастыба ахсынньы 5-9 күннэригэр “Стоп коррупция!” диэн аахсыйа  тэрийэн ыыттылар. Бу тэрээһин чэрчитинэн биэс күнү быһа “Общественный контроль как средство борьбы с коррупцией”, “О противодействии коррупции в правоохранительных органах республики”, “К вам пришли с проверкой”, “Открытая школа” уо.д.а. тиэмэҕэ төгүрүк остуоллар, мунньахтар буолуталыыллар.

Сэтинньи 30 күнүгэр ИДьМ эргэ дьиэтигэр интернет сайт эрэдээктэрдэрин, «кэпсэтэр сирдээх» блогердары кытары быраабы араҥаччылыыр уорганнар үлэһиттэрэ көрсүстүлэр. Быыбар иннинэ араас сурах-садьык, «экстремизмнии» санаалаах ыҥырыылар тахсыахтара диэн эрдэ сэрэхэдийэн прокуратура уонна Экстремизмы утары охсуһар киин үлэһиттэрэ  бу көрсүһүүнү тэрийбиттэр

ЭУОК салайааччыта Сергей Пономарев Арассыыйаҕа 7600 экстремизмныы санаалаах сайтар бааллар диэн этэр. Бу сайтар куһаҕан дьаллыктарыгар ыччаты угуйаллар, «вербовкалыыллар» диир. Нерюнгрига эктсремизмҥа күтүрэнэн 6 холуобунай дьыала тэриллибитин этэр.

Бүлүү улууһуттан сылдьар 24 саастаах эр киһи түргэн үлүгэрдик байарга санаммыт. Кытай ырыынагар ойон тиийэн элбэх күлүүс, быраас халаатын уонна ыарыһаҕы иһиллиир фонендоскоп атыыласпыт. Биллэрии биэрэр куорат хаһыатыгар суһаллык уонна чэпчэкитик дьиэ куортамныыбын диэн биллэрии биэрбит.  Куортам  кыһалҕалаах, дьиэҕэ-уокка  баҕалаах биһиги куораппытыгар  элбэх бөҕө буоллаҕа дии.

Билигин оҕотуттан кырдьаҕаһыгар диэри суотабай төлөпүөнү туһаналлар. Ол гынан баран, кэнники кэмҥэ төлөпүөнтэн харчыны уорар үгэс үөдүйдэ. Мин «мегафон» төлөпүөннээх этим, онтубуттан кыралаан гынан баран тохтообокко уоралларын сөбүлээбэккэ, биир мөһөөҕү төлөөн баран сууккаҕа биэс солкуобайы төлүүргэ көспүтүм. Бастаан этэҥҥэ баран испитэ. Онтон эмиэ буулаатылар.

Сэбиэскэй былаас саҕана ылбычча киһи эрэ барыта Үлэ Геройа аатын ылбат этэ. Чахчы, дойдутун, норуотун уйгулаах олоҕун туһугар үрүҥ-хара көлөһүнүн тохпут киһи эрэ онно тиксэрэ. Усуйаана олохтооҕо Семен Васильевич Горохов оннук чиэскэ тиксибитэ. Кэлин СӨ Бырабыыталыстыбата киниэхэ Дьокуускайга икки хостоох кыбартыыраны бэлэхтээбитэ. Хомойуох иһин, кырдьаҕас бу кыбартыыратын билигин түөкүннэр былдьаан олороллор. Ол туһунан былырыын “Кыым” хаһыакка “Истиҥ махтал” диэн төбөлөөн таһаарбыппыт. Кэлин дьыалабыт силиһэ-мутуга өссө дириҥээтэ.