Доруобуйа харыстабылын миниистирэ Елена Борисова брифинг кэмигэр өрөспүүбүлүкэҕэ хоруона хамсыгынан ыалдьыы улаата турарын тоһоҕолоото. Билигин ордук оҕолор, устудьуоннар уонна аҕа саастаах дьоннор ыалдьаллар.
"Ыарыыттан харыстанар саамай сүрүн күүспүт - вакцинаны ылыы", - диэн миниистир бэлиэтиир. Муус устар 26 күнүнээҕи туругунан, Саха сиригэр кэлбит вакцина 92 бырыһыанын толору туһаммыттар. Бастакы быһыыны 104666 киһи ылбыт, иккиһи — аҥаарадар.
Миниистир эппитинэн, бу сэрэдэҕэ өрөспүүбүлүкэтээҕи хамсыгы бохсор суһал ыстаап эбии хааччахтары киллэрэр туһунан мунньахтыаҕа. "Ыам ыйын 1-10 күннэригэр дойдуга өрөбүллэринэн биллэриллибиттэрэ, туох баар тэрээһиннэр дистанционнай эрэсииминэн ыытыллаллар", - диэн миниистир чопчулаата.