«Ростелеком»хампааньа пресс-сулууспата иһитиннэрбитинэн, 2022 сылга дылы Өлүөхһмэ улууһун биэс нэһилиэгэр түргэн күүрүүлээх оптоволокно интэриниэтин тардыахтара. Үлэ икки түһүмэҕинэн барыаҕа.
Ол курдук, 2021 сыл бүтүөр дылы ВОЛС лииньийэтин Маалыкаан, Марха уонна Саҥыйахтаах нэһилиэктэригэр тардыахтара. Оттон иккис түһүмэҕинэн - 2022 сылга дылы - Урицкайга уонна Хороҕо тардыахтара. Оптоволокно лииньийэтин уопсай уһуна 239 км, интэиниэт тэтимэ - сөкүүндэҕэ 10 Гбит. Оптоволокноҕа 21 социальнай суолталаах эбийиэги холбуохтара: ФАПтары, учаастактааҕы балыыһалары, уһуйааннары, оскуолалары уонна дьаһалталары. Тэрилтэлэрэ интэриниэт тэтимэ сөкүүндэҕэ 50 Мбит буолуоҕа.