“Ростелеком” хампаанньа Үөһээ Бүлүү 8 нэһилиэгэр дьиэтээҕи интэриниэккэ хааччаҕа суох тарыыбы таһаарда.
Саҥа тарыып сөкүүндэҕэ 5 мегабит түргэннээх. Бу иннинэ олохтоохтор спутник канаалынан кэлэр сибээһинэн туһанан олорбуттар. Оттон Хоро, Липпэ Атах, Сайылык, Далыр, Харбала, Боотулу, Багадьа уонна Дүллүкү нэһилиэктэргэ дылы ВОЛС магистральнай лииньийэтэ тардыллан, түргэн тэтимнээх интэриниэт киирбитэ. 185 км уһуннаах, сөкүүндэҕэ 10 гигабайт түргэннээх магистраль тутуута 2019-2020 сс ГЧП көмөтүнэн тутуллубут. Эһиилгиттэн Ростелеком улуус дьаһалтатын кытары Куду, Быракаан, Өргүөт нэһилиэктэригэр дылы магистралы тардар былааннаах.