Саха сиригэр үлэтэ суох киһи ахсаана 33 тыһ. 100 киһиэхэ тэҥнэһэр. Нэдиэлэ иһигэр үлэтэ суохтар халыҥ аармыйаларыттан 700 киһи таҕыста. Нэһилиэнньэ дьарыктаах буолуутун киинигэр үлэни биэрээччилэр 10 070 киһиэхэ наадыйбыттар, ити былырыыҥҥыттан 26,3 бырыһыанынан кыра (былырыын 13655 этэ). Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
Һлэни биэрээччилэр ордук оробуочай идэлээхтэргэ наадыйаллар - уопсай үлэ миэстэтиттэн 60 бырыһыаны ылар. Манна орто хамнас - 46,8 тыһ. солк. тэҥнэһэр. Ордук суоппардарга, силиэсрдэргэ, анал тиэхиникэ машинистарыгар, хара үлэһиттэргэ, электромонтердарга, бөҕү-сыыһы хомуйааччыларга уонна араас көмө оробуочайдарга наадыйаллар. Сыл саҕаланыаҕыттан нэһилиэнньэ дьарыктаах буолуутун кииннэригэр 50,5 тыһ. киһи үлэ көрдөөн кэлэ сылдьыбыт. Олортон 13,2 тыһ. киһи сөптөөх үлэни булбут, ол иһигэр бастайааннай үлэҕэ 5,1 тыһ. киһи киирбит, быстах үлэннэн 8,1 тыһ. киһи хааччылллыбыт. Сүрэҕэ суохтар босуобуйаларын 14030 киһи ылар.