Бүгүн киин куораппытын эмиэ хойуу буруо сабардаата. Экология министиэристибэтин пресс-сулууспата суруйарынан, куоракка буруо туруутун биричиинэтинэн ыраах сытар сирдэргэ ойуур уота буолар.
“Кэбээйи, Нам, Мэҥэ Хаҥалас, Таатта, Томпо, Уус Алдан, Хаҥалас, Чурапчы улуустарыгар уонна Дьокуускайга хойуу буруо турда. Ити буруону Кэбээйи, Томпо уонна Уус Алдан улуустарыгар хонтуруолланар зонаҕа турбут баһаартан тыал аҕалбыт. Ити баһаардар киһи мээнэ үктэммэт сиригэр, кый ыраах умайаллар, онон нэһилиэнньэлээх пууннарга уонна экэниэмикэ эбийиэктэригэр куттал суоһаабат”, - диэн министиэристибэ суруйар.