Алтынньы 18-20 күннэригэр Казань куоракка “Вдохновение осени” диэн художественнай гимнастика аһаҕас турнира буолан ааста.
Манна Саха сирин сүүмэрдэммит хамаандата бастакы миэстэни ылла. Кыргыттар лиэнтэлээх кыттыыга 18,4, оттон уобуручтаахха 19,25 балы ылан кыһыл көмүс мэтээллэри кэттилэр. Кинилэр сыл аҥара анараа өттүгэр бэйэ-бэйэлэрин кытта билсэ иликтэрэ уонна биир хамаандаҕа дьарыктаммат этилэр.
Старшай тренер – Оксана Николаевна Казанцева. Кини үрдүк категориялаах тренер, ССРС успуордун маастара. Бырагырааммалары туруорааччы Елена Афанасьева. Санатар буоллахха, күрэстэһии “FIG 2017—2020 с” диэн норуоттар икки ардыларынааҕы быраабыланан ыытылынна.
Sportyakutia.ru