“Раздельный сбор” бастакы аахсыйа от ыйыгар ыытыллыбата. Манна 800-ча киһи кыттыыны ылбыта. Оттон ааспыт баскыһыанньаҕа буолбут иккис аахсыйаҕа 2000 кэриҥэ киһи кытынна.
Дьон доҕотторун, кэллиэгэлэрин, аймахтарын уонна оҕолорун кытта кэлбиттэрэ олус хайҕаллаах. Куораттааҕы түөрт оскуолаҕа эко нэдиэлэ ыытыллыбыта. Оҕолор бөҕү наардаан хомуйууну олус сэҥээрдилэр уонна оскуолаларыгар бэйэлэрэ эмиэ аахсыйалары тэрийэн ыыттылар.
Ол түмүгэ маннык: физико-техническэй лиссиэй 3994 кг, 15-с оскуола 2352 кг, өрөспүүбүлүкэтээҕи лиссиэй-интэринээт 1240 кг уонна 21-с оскуола 240 кг бөҕү хомуйдулар. Хас биирдии оскуолаҕа кыайыылаах кылаастар бочуоттаах грамотанан, кубогынан уонна киинэҕэ босхо сылдьар сэртипикээттэринэн наҕараадаланнылар.
Оттон иккис аахсыйа түмүгэ маннык:
Пластиковай бытыылка – 350 кг. Хабаровскай куоракка оҥоһукка барар.
Пластик – 450 кг. Аллараа Бэстээхтээҕи “Чол Сир” хампаанньа полимернай тротуар билииккэтин оҥорор.
Хортуон – 600 кг. Благовещенскай куоракка оҥоһукка барар.
Макулатура – 4500 кг. Дьиэни ититиигэ туттуллар.
Батарейкалар- 239 кг. Челябинск куоракка барар.
Тимир бааҥкалар – 36 кг. Иркутскайга оҥоһукка барар.
Массыына аккумулятора –128 кг. Оҥоһукка барар.
Массыына шиналара – 33 шт. Оҕо былаһааккаларыгар туттуллар эрэһиинэ бүрүөһүн оҥоһуллар.
Лампалар – 800 шт. Сөптөөх туһаныыга барар.
Бытыылкалар пластиковай хаппахтара аһымал бырайыак наадатыгар туттуллар.
Уопсайа биир күн иһигэр 6,5 тахса туонна бөх хомулунна. Оскуолаларга хомуллубуту ааҕын туран 14 туонна буолар.
Тэрийээччилэргэ “Скинтайм” уонна “Планета электро” маҕаһыыннар дириэктэрдэригэр Ирина Матвееваҕа уонна Сергей Петровка улахан махталбытын тиэрдэбит. Ону таһынан, ОДьКХ министиэристибэтигэр, “Якутскэкосети” хампаанньаҕа өйөбүллэрин иһин махтанабыт.